Shtimi në peshë është gjëja më e lehtë në këtë jetë, por humbja e saj është një histori tjetër, shumë më e dhimbshme. Me siguri të gjithë ne në një moment të jetës sonë mund të kemi shtuar disa kilogramë të tepërt që nuk mund t’i humbim lehtë më pas. E megjithatë, në jetën normale, ne vazhdimisht shtojmë shumë kilogramë herë pas here, të cilat më pas vështirë se i humbim.
Por çfarë tregoi hulumtimi? Lajmi nuk është i mirë. Një raport që ka “luajtur” në shumë tituj kohët e fundit, tregon se humbja e përhershme e peshës është një objektiv i paarritshëm.
Dekada kërkimesh klinike, iniciativa nga organet kompetente dhe përpjekjet personale për ushqimin dhe ushtrimin e duhur duket se bien në bosh. Sigurisht, njerëzit mund të humbin peshë në çdo kohë dhe relativisht lehtë. Por ata nuk mund të humbin aq sa duhet të humbasin dhe madje ta humbasin një herë e përgjithmonë.
Një rishikim i literaturës shkencore tregon se pothuajse çdo person që merr pjesë në programet e certifikuara të humbjes së peshës rifiton të gjithë peshën e humbur brenda pesë viteve të ardhshme. Është regjistruar një ulje mesatare deri në 3% e peshës fillestare të trupit. Kjo do të thotë që nëse do të kishit 125 kg dhe do të ndiqnit një dietë sistematike dhe të kontrolluar, pas pesë vitesh do të peshonit 120 kg në rastin më të mirë.
Mund të mos tingëllojë e frikshme në fillim, por për shkencëtarët ka një interpretim tjetër. Sipas një studimi nga Weight Watchers, gjysma e atyre që ndoqën programet dietike specifike të kompanisë ishin të paktën 5% më të lehtë në peshë brenda pesë viteve (megjithëse dy vitet e para regjistruan humbje peshe mbi 13%).
Krahasuar me vlerat klinike “zyrtare” prej 3%, rezultatet e programeve dietike të Weight Watchers dukeshin si një triumf. Dhe, megjithëse shiriti duket i ulët, ai në fakt përkthehet si më poshtë: gradualisht të dhjamosurit bëhen mbipeshë dhe mbipesha bëhen normale.
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…