Driton Tali thotë se Tito ia kishte premtuar Kosovën Enverit/ Kjo ishte dëshmia e përkthyesit të bisedimeve para vdekjes

NGA: M.L.

Driton Tali, këshilltar i kryetarit të Kuvendit të Kosovës, Glauk Konjofca, nëpërmjet një postimi në Facebook, ka thënë se Tito-ja ia kishte premtuar Enver Hoxhës Kosovën.

Këtë deklaratë, Tali e ka bërë duke u bazuar në dëshminë e Josip Gjergjes, që ishte ambasador jugosllav në Tiranë dhe përkthyer gjatë bisedimeve mes Titos dhe Hoxhës.

Postimi i plotë

Tito ja premtoi Enverit Kosovën

Dëshmia e Josip Gjergjes.

Josip Broz Tito i kishte premtuar Enver Hoxhês se do t’ia dorëzonte Kosovën Shqipërisë, “sa më shpejt, pas një qetësimi të vogël të nacionalistëve serbë”.

Diplomati jugosllav Josip Gjergja, i cili ishte ambasador në Tiranë nga viti 1945 deri në vitin 1948 dhe përkthyes gjatë bisedimeve mes Titos dhe Hoxhës, e konfirmoi një gjë të tillë para vdekjes më 1990.