Këto janë pesë shtetet fajtore për 60% të ndotjes globale

Pesë janë vendet që gjenerojnë 60% të ndotjes globale. Sipas shifrave të vitit 2019, vetëm Kina prodhon ndotje sa katër të tjerat të marra së bashku. Për më tepër sasia e CO2 që prodhon ajo sa vjen e rritet.

Në mënyrë të veçantë, janë pesë kompanitë më të mëdha të industrisë kineze që lëshojnë në atmosferë sasitë më të mëdha të dioksidit të karbonit. China Baoëu, prodhuesi më i madh i çelikut në botë, çliron CO2 sa i gjithë Pakistani.

Gjiganti shtetëor i naftës, Sinopec Group, dhe një nga filialet e saj, China Petroleum & Chemical, kontribuoi në 2020 në ngrohjen globale më shumë se Kanadaja, e cila është gjithashtu një nga ndotësit e mëdhenj.

Megjithëse dihet se kompanitë e mëdha kineze janë të parat në listën e shkaktarëve të ngrohjes globale, nuk ka të dhëna plotësisht të sakta për këto gjigante që menaxhohen nga shteti komunist.

Ndërsa liderët dhe diplomatët botërorë mblidhen në Glasgoë, Skoci, për të diskutuar se si të mbajnë nën kontroll temperaturat në rritje, të kuptuarit e rolit të titanëve industrialë të Kinës nuk ka qenë kurrë më i rëndësishëm. Këto kompani nuk do të jenë palë në negociatat e mbështetura nga Kombet e Bashkuara. Megjithatë, asnjë marrëveshje nuk do të jetë efektive në praktikë pa bashkëpunimin e tyre të fortë.

Sipas një studimi nga Rhodium Group, kompanitë e Kinës i çuan emetimet e gazeve serrë të vendit mbi ato të të gjitha vendeve të zhvilluara të marra së bashku, në vitin 2019. Për të përmbushur premtimin e Presidentit Xi Jinping për të zeruar emetimet deri në vitin 2060, të njëjtat kompani do të duhet të largohen nga energjia që ndot, të përqafojnë teknologjitë e reja dhe të ndryshojnë mënyrën e funksionimit të tyre.