Pesë shenja specifike për Omicron dhe si dallohet nga variantet tjera

Është thelbësore që të gjithë të testohen për COVID-19 nëse zhvillojnë ndonjë nga shenjat kryesore paralajmëruese – por simptomat e Omicron mund të duken paksa të ndryshme nga variantet e mëparshme.

Varianti fillimisht u rendit në Botsvana, dhe më pas në Afrikën e Jugut në fund të nëntorit, përpara se të shfaqej në të gjithë botën.

Nuk është ende plotësisht e qartë nëse dy vaksina anti-COVID do të jenë të mjaftueshme për të mbrojtur kundër simptomave më të rënda të Omicron.

Simptomat e coronavirusit ende përfshijnë kollën më të zakonshme, temperaturë të lartë dhe humbje të shijes e nuhatjes. Por Omicron gjithashtu ka disa simptoma që janë specifike për atë variant të veçantë, sipas mjekut të përgjithshëm, Dr. Gary Bartlett. Pacientët kanë më shumë gjasa të zhvillojnë një ndjenjë të çuditshme gërvishtjeje në fyt, paralajmëroi ai.

Lodhja e vazhdueshme, dhimbjet e muskujve, madje edhe djersitjet gjatë natës, mund të jenë të gjitha shenja të infeksionit Omicron, shtoi doktori.

Dr Bartlett tha për Express.co.uk: “Simptomat e Omicron fillimisht mund të duken më të buta në krahasim me infeksionin nga varianti Delta. Varianti Omicron i COVID-19 mund të shkaktojë simptomat e zakonshme të njohura, të tilla si rrjedhje e hundës, ethe, kollë e vazhdueshme, dhimbje të kokës dhe fytit, dhe humbje të ndjenjës së shijimit dhe erës. Simptomat që mund të jenë më specifike për Omicron përfshijnë gërvishtjen e fytit në krahasim me dhimbjen e fytit, një kollë të thatë të vazhdueshme, lodhje ekstreme, dhimbje muskulore dhe djersitje gjatë natës”.

“Këto mund të jenë simptomat e para dhe të vetme të variantit Omicron. Mund të jetë e vështirë të bëhet dallimi midis COVID-19 dhe ftohjes së zakonshme pa testim PCR”.

Vetëm sepse e jeni infektuar me COVID-19 në të kaluarën, nuk do të thotë domosdoshmërisht se nuk do të infektoheni variantin Omicron, shtoi Dr Bartlett.

Është absolutisht thelbësore që të gjithë të kujdesen për ndonjë nga simptomat klasike të gripit – madje edhe ata që janë vaksinuar tre herë. Edhe simptomat e lehta duhet të ndiqen me një test PCR, paralajmëroi ai