Varianti i ri po trondit, parashikohet rritje e rasteve me COVID

Profesoresha e sëmundjeve infektive në Greqi, Vana Papaevangelou shprehet se varianti i ri i COVID-19, Omicron do të mbizotërojë në Evropë në muajt e ardhshëm.

Nga të dhënat e para, ajo thotë se nëse mundësia e ri-infektimit me variantin Omicron është trefish atëherë kjo “shkakton shqetësim të madh pasi përfshin shpërthime të reja për shkak të reduktimit të imunitetit. Ky, natyrisht, është një vlerësim fillestar që mbetet për t’u verifikuar”.

Megjithatë, në rast se këto të dhëna konfirmohen, “është e nevojshme që të gjithë ata që sëmuren dhe neglizhojnë të vaksinohen, pasi e konsiderojnë veten të mbrojtur nga imuniteti natyror, të vrapojnë për të lënë një takim për një vaksinë”, theksoi Papaevangelou.

Të dhënat e para epidemiologjike nga Afrika e Jugut tregojnë se varianti Omicron është shumë ngjitës, pasi ky vend po përjeton një rritje eksponenciale të rasteve të reja ditët e fundit, theksoi mjekja, ndërsa komentoi klimën e optimizmit se do t’i japim fund pandemisë pas vaksinimit.

“Ishte për të ardhur keq që lehtësimi i masave në mbarë botën përkoi me shfaqjen e variantit Delta, i cili rezultoi me një rritje të ndjeshme të rasteve në mes të verës”.

Ajo lë të kuptohet se çdo parashikim për të ardhmen është i rrezikshëm, por thotë se “në zonat dhe shoqëritë ku një përqindje e konsiderueshme e popullsisë mbetet e pavaksinuar, do të vazhdojmë të shohim shpërthime të varianteve të reja“.

Sot në Greqi vdiq një vajzë 14-vjeçe e infektuar me COVID.