Ky është imazhi i parë në botë i variantit të sapoidentifikuar të koronavirusit të quajtur Omicron. Ai është publikuar nga një grup shkenctarësh nga spitali “Bambino Gesu” i Romës, në Itali.
Imazhi në foto tregon se varianti Omicron ka më shumë mutacione në proteinën “spike”, pjesa që ndërvepron me qelizat njerëzore përpara hyrjes në qelizë, krahasuar me variantin shumë infektiv Delta. Shkencëtarët nënvizuan se gjetjet nuk sugjerojnë drejtpërdrejt se mutacionet janë më të rrezikshme.
Megjithatë, Organizata Botërore e Shëndetësisë e konsideroi shqetësues variantin e ri të zbuluar fillimisht në Afrikën e Jugut. Marrë shkas nga kjo, Izraeli do të ndalojë të huajt që të hyjnë në territorin e tij për 14 ditë, ndërsa për shtetasit e vet do të aplikohet karantinë 3 ditë për të vaksinuarit dhe 7 për të pavaksinuarit.
Gjithashtu, do të përdorë gjurmimin për të ndaluar përhapjen e variantit të ri të Covid-19. Izraeli ka raportuar një rast me Omicron, ndërsa të infektuar me këtë variant janë regjistruar edhe në shumë vende të tjera si Britania e Madhe, Gjermania dhe Australia.
Frika nga varianti i ri nxiti një valë kufizimesh globale, kryesisht në udhëtime. Britania riktheu përdorimin e maskave në dyqane dhe transportin publik dhe personat që vijnë nga jashtë do të duhet të kryejnë një test PCR.
Himni i flamurit që shkroi Çabej, në konkursin e vitit 1937: Atje lidhet besa e…
Është e dëshmuar se për 500 vite, shqiptarët kanë qenë pjesë integrale dhe e pandarë…
Mbretëresha Teuta e Ilirisë dhe ushtria e saj pirate, sunduan Detin Adriatik në lashtësi dhe…
Është fakt se bërja e një filxhani çaji duket dhe është një proces i…
Mandarinat e Xarrës tashmë janë shndërruar në krenari, jo vetëm për zonën ku mbillen…
Në zonat më të thella të vendit qasja ndaj mjekësisë moderne ka qenë prej…