<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

E rrallë! Zbulohet dinosauri që ka jetuar 80 milionë vjet më parë

Muzeu Kombëtar në Rio de Zhaneiro njoftoi të enjten zbulimin e një specie të re “jashtëzakonisht të rrallë” të dinosaurit, një “teropod pa dhëmbë”, kafshë që jetonin në Brazilin jugor 70 deri në 80 milionë vjet më parë. Studiuesit identifikuan këtë dinosaur të vogël të quajtur “Pertasaura leopoldinai”, i cili ishte një metër i gjatë dhe 80 centimetra i lartë, falë një grupi fosilesh që u gjetën si rezultat i gërmimeve në shtetin Parana midis 2011 dhe 2014.

Dihet se teropodët janë dinosaurët me dy këmbë dhe në përgjithësi janë mishngrënës dhe barngrënës dhe kanë dhëmbë. Por Muzeu Kombëtar shpjegoi se specia e zbuluar “ka sqep dhe nuk ka dhëmbë, ndryshe nga të gjitha speciet e tjera të zbuluara në Brazil deri më tani”.

Studimi, i kryer në bashkëpunim me Qendrën Contestado për Paleontologjinë në shtetin Santa Catarina (Brazili jugor), u botua të enjten në revistën shkencore Nature.

“Ne kemi një kafkë, nofull, shtyllë kurrizore, legen, breza gjoksi dhe mbetje të gjymtyrëve të përparme dhe të pasme, duke e bërë Berta një nga dinosaurët më të plotë të Kretakut të zbuluar ndonjëherë në Brazil”, – tha drejtori i Muzeut Kombëtar, paleontologu Alexander Kellner, në një konferencë për shtyp.

Shkencëtarët konsideruan se mungesa e dhëmbëve të kësaj specie ishte “një surprizë e vërtetë” dhe ngre disa pyetje në lidhje me natyrën e dietës së saj.

Giovanni Alves de Sousa, i cili ishte bashkëautor i studimit, tha: “Ndoshta ai hante ndryshe nga dinosaurët e tjerë me këmbë, por mungesa e dhëmbëve nuk do të thotë se ai nuk mund të hante mish.”

Kafsha u emërua “Pertasaura Leopoldinai” për nder të shkencëtares dhe studiueses braziliane në Muzeun Kombëtar Berta Luth dhe perandoreshës Maria Leopoldinai, gruaja e perandorit Pedro I të Brazilit, e cila ishte e interesuar të sponsorizonte studimet e shkencës natyrore, sipas Sky News Arabia.

Javën e kaluar, filloi puna për rindërtimin e Muzeut Kombëtar në Rio de Zhaneiro, i cili u shkatërrua nga një zjárr në shtator 2018 dhe strehonte një nga koleksionet më të vlefshme të historisë natyrore në Amerikën Latine.

postbck postbck