Tre shkolla fillore në shtetin e New Yorkut, SHBA, kanë ndaluar kostumet e Halloween nga seriali tashmë i famshëm i Netflix, Squid Game, për shkak të frikës se mund të nxisin dhunën.
Seriali triller koreano-jugor tregon historinë e njerëzve të zhytur në borxhe që konkurrojnë për të fituar një shumë të majme parash në një seri vdekjeprurëse lojërash për fëmijë.
Përmbajtja e tij e tmerrshme ka bërë që shkollat t’u dërgojnë e-mail prindërve për “mesazhet e dhunshme” të serialit.
Ata thanë se veshjet e kostumeve të Squid Game në ngjarjet e shkollës do të ishin “të papërshtatshme”.
Shkollat në distriktin shkollor Fayetteville-Manlius të New York kanë udhëzime që ndalojnë veshjet e Halloween me artikuj “që mund të interpretohen si armë” dhe ato që janë “shumë të tmerrshme ose të frikshme”, tha për CBS News mbikëqyrësi i saj, Craig Tice.
Ai tha se nxënësit kishin rikrijuar skena nga seriali në kohë pushimi dhe drejtorët kishin paralajmëruar prindërit se “lojërat që lidhen me sjelljen e dhunshme nuk janë të përshtatshme”.
Në SHBA, seriali vlerësohet për audiencë të pjekur nga Netflix, që do të thotë se shfaqja “mund të mos jetë e përshtatshme për moshat 17 vjeç e poshtë”.
Por disa prindër thuhet se janë të pakënaqur me këtë vendim.
Ari konsiderohet si një nga metalet më të çmuara në tokë, jo vetëm për…
Numri i rasteve me Hantavirus të lidhura me anijen turistike MV Hondius ka shkuar…
Origjina e popullit shqiptar ka qenë prej kohësh objekt debatesh, pasi ai shfaqet për herë…
Mbrojtja 7 mujore e qytetit të Shkodrës përfaqëson, për nga fuqia e qëndresës, një nga…
Mishi që shkrihet në gojë, patatet e arta dhe aroma e erëzave mesdhetare e bëjnë…
Kafshët te cilat mund te theren për kurban janë: lopët, devetë, dhente dhe dhite…