<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

“Asht i mjerë ai popull që nuk ia del me zotnue bijtë e vet të këqinj”

Më 28 gusht 1924 u lind në Bogë, Malësi e Madhe, At Zef Pllumi, frati françeskan, publicisti dhe shkrimtari që vuajti rreth 25 vite si i dënuar politik në burgjet komuniste

Ai zgjodhi t’ia kushtonte jetën shërbimit shpirtëror, edhe pse gjysmën e këtyre viteve, jo në kuvende e kisha, por në burgje e kampe pune, ku mblodhi shumë rrëfime shpirtrash që vuanin duke u munduar t’i qetësojë.

Fillimisht u arrestua më 14 dhjetor 1946. Edhe pse ishte më i riu ndër të arrestuarit, 22 vjeç, edhe ai u dënua. Shkak për arrestimin e tij, ishte të qenët sekretari personal i Provincialit dhe komunistët mendonin se duhej të dinte shumë. E dënuan me tre vjet burg që i vuajti në Burgun e Madh të Shkodrës dhe në kampet e Bedenit në Myzeqe dhe Orman-Pojanit në Maliq.

Kthehet në Kuvendin Françeskan kur negociatat mes Kishës e Qeverisë u “qetësuan”. Nga viti 1949–1951 merret me numizmatikë si teknik i Muzeut të Shkodrës. Në vitin 1958 shugurohet meshtar dhe për 12 vjet shërben si meshtar i Dukagjinit me qendër në Shosh, për ku niset në shtator 1958. Në vitin 1967 arrestohet dhe për 23 vjet vuan dënimin në Spaç, Reps, Skrofotinë të Vlorës, Ballsh, Zejmen-Shënkoll, Shën Vasil dhe Tiranë.

Pas daljes nga burgu dhe rikthimit të lirisë së fesë në Shqipëri nis shërbimin si meshtar dhe punën si publicist. Përjetimet personale dhe dëshmitë e mbledhura në vitet e dënimit, i ka rrëfyer në librin-ikonë të letërsisë së burgut “Rrno vetëm për me tregue”.

U nda nga jeta në vitin 2007 në Romë.

postbck postbck