‘‘Mua edhe mund të më vrasin, por gjuhën dhe kombin shqiptar nuk do të mund t’i vrasin kurrë’’-At Shtjefën Gjeçovit

14 Tetori qe përvjetori i vrasjes së At Shtjefën Gjeçovit. Atdhetari, etnologu, folkloristi dhe kleriku i madh Gjeçovi ishte një gjurmues i rrallë i folklorit dhe dokeve shqiptare. U vra nga shovinistët serbë në fshatin Zym, pranë Gjakovës.
Vlerësimi i Gjeçovit dhe punës së tij mbetet domosdoshmëri për formimin e shëndetshëm të vetëdijes identitare kombëtare. Puna e tij shkon përtej mbledhjes, kodifikimit dhe publikimit të Kanunit. Ai aftësoi njohurite akademike për të përvetsuar, pasqyruar dhe mbrojtur historinë e popullit të tij.
Gjeçovi në Kishën e Thethit, krijoi shkollën e parë shqipe në zonën e Shales. Me 14 Tetor të vitit 1929 u vra në Zym të Hasit nga policia serbe në pritë, për shkak të kundërshtimit të hapur të okupimit serb dhe sidomos kontributin në arsimin shqip. Sipas tij: “…Feja është e mirë për deri sa nuk ndikon negativisht në kombin tonë.” /InforCulture.info