Siguria e faqes tuaj: si dhe pse ta përmirësoni!

Zakonisht, ju mund ta dalloni lehtësisht nëse një faqe në internet e ka apo jo të implementuar çertifikatën e sigurisë pasi mund të dallohet nëpërmjet “s”-së te “http” në adresën e saj.

Prej vitit 2014, (shih video) Google ka ndërmarrë një fushatë të gjerë për të nxitur rritjen e sigurisë online për efekt të sigurisë dhe privacisë. Ndërkohë, ka njoftuar se tashmë përdorimi ose jo i HTTPS do konsiderohet si një nga faktorët përcaktues për listimin e faqes tuaj brenda këtij motori. Ky njoftim i dha edhe më shumë peshë nevojës për implementimin e një çertifikate SSL veçanërisht për faqet që e gjenerojnë shumicën e trafikut nga motorët e kërkimit ose që duan ta ruajnë listimin aktual edhe në të ardhmen.

Një kujtesë tjetër në lidhje me këtë çështje erdhi nga zhvilluesit e platformës WordPress të cilët theksuan nevojë e kalimit të faqeve në SSL për me daljen e versionit më të fundit të WordPress 4.7. Ndërkohë, edhe themeluesi i WordPress, Matt Mullenweg e theksoi këtë fakt në mbledhjen e përvitshme.

Disa sugjerime për ta implementuar çertifikatën SSL për faqen tuaj?

Ka mjaft faqe që ofrojnë mundësinë e blerjes së një çertifikate SSL. Zakonisht, kompania ku keni blerë domain-in ju ofron edhe mundësinë e blerjes dhe implementimit të një license SSL për faqen tuaj. Por, bëni kujdes se çmimi i këtyre licensave varion shumë nga kompania në kompani dhe zakonisht ka edhe alternativa më të lira.
NameCheap.com është ndër më konkurrueset në çmim por ka edhe një alternativë falas shumë të mirë (Let’s Encrypt) e cila po adoptohet gjerësisht dhe mund të jetë e gatshme brenda panelit të administrimit të hostit tuaj, zakonisht të gjitha hostet që ofrojnë cPanel e kanë brenda si p.sh. të gjitha hostimet e ofruara nga WebHost.al e ofrojnë brenda paketës së hostimit.
Nëse nuk jeni në gjendje ta implementoni vetë, atëherë mund të gjeni dikë që ta bëjë këtë për ju, kuptohet kundrejt një pagese për të cilën duhet të bini darkord paraprakisht.
Nëse ju e keni implementuar sakaq certifikatën SSL në faqen tuaj, atëherë mund të përdorni shërbime si Qualy’s SSL Labs për të verifikuar që është implementuar në rregull.