<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Eksploroni shpellën më të madhe në botë (FOTO)

Falë ekspeditave të bëra në Vietnam, CNN Travel, zbulon të fshehtat e shpellës më të madhe në botë, Son Doong. Shpesh, shpella është bërë pjesë e studimeve nga shkencëtarë, por edhe aventurierë nga e gjithë bota, në përpjekje për të zbuluar të fshehtat e saj.

Megjithatë, vetëm në vitin 2018, një grup zhytësish profesionistë nga Britania, arritën të eksploronin rrugët ujore më në thellësi dhe të përcaktonin se në fakt shpella ishte edhe më e madhe nga sa mendohej, si dhe fshihte një numër të madh gjallesash që jetonin aty, duke e bërë atë një ekosistem shumë të pasur.

Gjatë zhytjes, ata zbuluan një tunel nënujor që lidh Son Doong (që do të thotë “Shpella e lumit malor”) me një tjetër shpellë të madhe, atë Hang Thung. Kjo u vu re fillimisht nga testimi i ngjyrave të ujërave, derisa u zbuluan edhe lumenjtë nëntokësorë, që rrjedhin nëpër disa tunele shumë të thella.

Kërkimet në këtë mrekulli natyrore nuk kanë ndalur që nga viti 1990, kur Son Doong u zbulua rastësisht nga një banor i Vietnamit, Ho Khan. Interesante është se ai dhe një numër i madh kërkuesish arritën ta zbulonin sërish grykën e shpellës vetëm në vitin 2009, pasi vështirësia për gjetjen e saj ishte e madhe, nga bimësia e dendur që e kishte fshehur atë.

E hapur për turistët në 2013, shpella e stërmadhe e gurit gëlqeror, tre milionë vjet e vjetër, brenda saj ka mikroklima të ndryshme, pamje të larmishme, stalaktite dhe stalagmitet më të mëdha në botë (deri në 80 metra të larta), fosile gati 400 milionë-vjeçare, si dhe dy xhungla. Në të fshihet edhe një jetë e egër me zogj, gjarpërinj, peshq, majmunë, insekte dhe bimë endemike.