Studimi: Energjia elektrike, mund të ndihmojë në përshpejtimin e shërimit të plagëve

Energjia elektrike, është shumë më sinonim i dëmtimeve trupore, sesa i shërimit të tyre. Por një studim sugjeron se kjo pikëpamje mund të ndryshojë. Studiuesit nga Universiteti Shtetëror i Ohajos, SHBA, thonë se stimulimi elektrik mund të jetë në gjendje t’i ndihmojë enët e gjakut të lëvizë me shpejt dhe më me efikasitet qelizat e bardha dhe oksigjenin drejt plagës.

Pra energjia elektrike mund të përshpejtojë shërbimin e plagës, sesa do ta bënte truri në mënyrë të zakonshme. Po si është e mundur një gjë e tillë? Autorët e studimit shpjegojnë se kur ata përdorën energjinë elektrike tek enët e gjakut, ajo krijoi “një tension të vazhdueshëm, me një rrymë elektrike shoqëruese në praninë e rrjedhës së gjakut”.

Dhe kjo nga ana tjetër, çoi në rritjen e depërtueshmërisë. Më shumë përshkueshmëri, do të thotë se është më lehtë që substancat ripërtëritëse si qelizat e bardha të gjakut, të arrijnë tek pjesa e dëmtuar në kohën e duhur.

“Spekulimi se enët e gjakut mund të rriteshin më mirë nëse stimulohen me rrymë elektrike ka ekzistuar prej kohësh”- thotë autori i studimit, profesori i asociuar i inxhinierisë mekanike dhe të hapësirës ajrore Shaurja Prakash në një botim të Universitetit të Ohajos.

“Dhe ne kemi zbuluar tani se reagimi i qelizave në modelet tona të enëve të gjakut, ofron shpresë drejt ndryshimit të përshkueshmërisë së enëve të gjakut, gjë që mund të sjellë rezultate pozitive për punën tonë të vazhdueshme në shërimin e plagëve”- thekson ai.

Enët e gjakut rrjedhin në të gjithë trupin e njeriut, duke bartur me vete lëndë ushqyese, qeliza dhe kimikate të tjera që ndihmojnë në kontrollimin e inflamacionit që shkaktojnë lëndimet. Kur ndodh një plagë ose prerje, ajo prish enët e gjakut në vendin e dëmtimit. Kur ndodh kjo gjë, pengohet aftësia e trupit për ta shëruar siç duhet plagën. Enët e gjakut të dëmtuara shërohen pas një kohe, ashtu siç shërohet në fund e gjithë plaga.

Një seri testesh laboratorike të kryera duke përdorur qelizat njerëzore, bëri që studiuesit të zbulojnë se stimulimi i enëve të gjakut me energji elektrike, e rrit depërtueshmërinë e enëve të gjakut. “Ne kemi kuptuar më mirë se si stimulimi elektrik, mund të ndryshojë përshkueshmërinë nëpër muret e enëve”- vëren bashkë-autori i studimit Jon Song, profesor i asociuar i inxhinierisë mekanike dhe hapësinore në shtetin e Ohajos

postbck postbck

Recent Posts

Të mirat dhe të këqijat e fasuleve

  Fasulet konsiderohen si ushqim i shëndetshëm dhe shpesh mund ta gjeni në tryezat e…

3 days ago

Portreti i Gjergj Kastrioitit-Skënderbeut i punuar nga heroi Agim Ramadani

Nga: Ilir Muharremi Portreti i Skënderbeut është realizuar me një trajtim të butë figurativ nga…

1 week ago

Sekreti me ujin që do t’ju bëjë të kuptoni nëse vuani nga diabeti

  Diabeti është një nga sëmundjet në rritje në botë dhe megjithëse ka mënyra për ta mbajtur…

2 weeks ago

Çfarë u morri jetën tre milionë fëmijëve në vitin 2022?

  Më shumë se tre milionë fëmijë në mbarë botën ndërruan jetë nga infeksionet rezistente…

2 weeks ago

Shkenca, drejt një alternative natyrale ndaj Ozempic-ut

  Ozempic është bërë sinonim i humbjes së shpejtë të peshës dhe rregullimit të sheqerit…

2 weeks ago

Media spanjolle “El Periódico”: Shqipëria, “parajsa” që bashkon vendet e trashëgimisë botërore me plazhet mahnitëse

  Kur planifikojmë një udhëtim në Evropë, shpesh priremi të zgjedhim vende si, Parisi, Londra,…

2 weeks ago