Telegrami i Enver Hoxhës nga Beogradi: Të punohet tërë natën që të bëni flamuj të Jugosllavisë

Nga: Kastriot Dervishi

Më 23 qershor e deri më 2 korrik 1946, kryeministri i Shqipërisë Enver Hoxha vizitoi Jugosllavinë. Në përfundim të vizitës, më 1 korrik 1946, pra disa orë para mbërritjes në Shqipëri, i dërgon një telegram zëvendësit të vet, Koçi Xoxe, të cilin e udhëzon për masat që duhet të marrë në këtë pritje. Hoxha ka tejkaluar se tepërmi detyrat komunale e bashkiake teksa porosit mënyrën e pritjes dhe parullat që duhen hedhur.

Ja telegram i datës 1 korrik 1946:

“Nesër në mëngjes nisemi me aeroplan në ora 8.

Organizoni një pritje e manifestim madhështor.

Autoritetet më të larta, e qeveria të dalin për të na pritur në aerodrom.

Populli të dalë me shumicë.

Qyteti të zbukurohet me flamurët tanë e Jugosllavisë.

Bëni çmos të punohet tërë natën që të bëni flamuj të Jugosllavisë e Shqipërisë e t’i mbajë populli në duar.

Përgatitni mikrofona dhe megafona dhe unë do të flas shkurt gjatë manifestimit.

Përgatitni parulla të shkruara dhe parulla që duhet të hidhen nga populli.

Përveç parullave të tjera të zakonshme të ketë edhe parulla si “Rroftë marrëveshja midis popullit shqiptar dhe popujve të Jugosllavisë”, “Rroftë mareshali Tito”; parulla të shkruara “Tirana-Beogradi”, të thirret “Enver-Tito”, të bëhet parulla rreth ushtrisë sonë si dhe ushtrisë jugosllave: “Rroftë vëllazërimi i ushtrisë kombëtare shqiptare dhe i ushtrisë heroike jugosllave”, “Rrofshin popujt heroikë të Jugosllavisë”.

Sa më shumë parulla mbi miqësinë tonë me Jugosllavinë.

Në aeroport të vinë automobilat më të mirë për të na marrë, veçanërisht të vinë ato që janë të hapura”.

Në faksimile e foto një pjesë e telegramit të nisur nga legata jonë në Beograd dhe një nga aktivitetet në sheshin “Skënderbej” ku dallohen parullat “Enver-Tito”.

postbck postbck

Recent Posts

Historia e Bajraktarit ndryshe, që ndikoi për shmangien e vëllavrasjes midis shqiptarëve

Nga Shaqir Vukaj Botuar në DITA Prej vitesh emisioni satirik “STOP” fillon me një varg…

4 minutes ago

Vrima në prerësen e thonjve nuk është aty pa asnjë arsye: Ja se si ta përdorni

  Prerësja e thonjve është një mjet i thjeshtë që të gjithë e përdorim, por…

22 hours ago

Pesë shenjat e hershme që tregojnë se vuani nga tensioni i lartë

  Tensioni i lartë i gjakut njihet edhe si “vrasësi i heshtur” sepse zakonisht nuk…

23 hours ago

Ja pse nuk duhet të pini kafe para analizave të gjakut

  Ekspertët paralajmërojnë se konsumimi i kafesë përpara analizave laboratorike të gjakut mund të çojë…

2 days ago

Deformimet e hartave nuk provojnë mashtrimin me formën e tokës

Pretendimi: Tjetërsimi i distancave në këtë hartë dëshmon se rrumbullakësia e Tokës është mashtrim Verdikti:…

2 days ago

Si t’i largoni njollat e deodorantit

  Deodorantët janë një zgjidhje shumë e mirë kundër djersës. Por megjithatë, mund të sjellin…

2 days ago