<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Santorini, i vetmi kazan vullkanik që banohet nga njerëzit

Santorini, ndodhet në jug të detit Egje, rreth 200 kilometra në juglindje të Greqisë kontinentale. Santorini është një arkipelag i vogël rrethor ishujsh vullkanikë.

I njohur dhe me emrin Thira ose Thera, është ishulli më jugor në vargun e këtij grupi ishujsh.

I vetmi kazan vullkani në botë që vazhdon të banohet. Santorini u formua nga llava e shpërthimit vullkanik në 1660 para Krishtit.

Pjesa qendrore e vullkanit u zhyt në det, duke formuar Santorinin dhe ishujt e vegjël fqinj Thirasia, Palaia dhe Nea Kameni.

Ndryshe nga ishujt e tjerë grekë, qytetet dhe fshatrat këtu kanë popullsi të dendur.

Duke zënë vend në lartësinë e shkëmbinjve të lartë dhe i cilësuar si një nga ishujt më magjikë të Greqisë, Santorini ofron panorama të mahnitshme me pamje fantastike të plazheve të zeza dhe të kuqe, tokës poshtë si dhe perëndimit mbresëlënës.

Është një ishull i jashtëzakonshëm me karakter unik, që ju ofron magjepsje të shumëfishtë dhe përveç veçantisë gjeologjike, ka shumë gjëra të tjera që e bëjnë Santorinin destinacion të përsosur pushimesh.

Në përgjithësi, Santorini është një vend i mirë për të filluar shëtitjet nga një ishull në tjetrin, meqenëse lidhet me shumicën e ishujve të tjerë të arkipelagut.

Megjithëse shumica e pushuesve qëndrojnë pranë plazheve (kryesisht Kamari dhe Perissa), nuk duhet të harroni të vizitoni Fira-n, Imerovigli-n ose Oia-n, qytetet e bukur mbi shkëmb, ku mund të shikoni bukurinë mbresëlënëse të ishujve, si dhe të shijoni kohën e lirë në dyqanet apo kafenetë e vogla aty.

Me vullkanin në sfond, një përvojë tjetër marramendëse është të shohësh perëndimin e diellin nga Caldera.

Shpatet lindore të ishullit janë jeshile dhe pjellore, me vreshta të begata që rriten mirë në tokën pjellore vullkanike.

Për ata që interesohen rreth historisë dhe arkeologjisë, Santorini ofron shumë vende të tilla. Santorini Akrotiri është një qytet antik i cili u varros me shpërthimin e vullkanit para 3,500 vjetësh.

Arkeologët janë ende duke gërmuar në vend, por gjithsesi mund të ecni aty rrotull e të shikoni muret që duken pothuajse si atëherë.

Gjithashtu është edhe Thera antike – që ndodhet mbi majën e një mali të lartë pikërisht mbi Kamari.

Mbi majën juglindore të malit më të lartë të Santorinit në Profitis Helias është vendbanimi antik i Thira-s. Rruga gjarpërushe që të çon aty fillon në cepin jugor të Kamarit në rrëzë të malit.

Për adhuruesit e sportit, ka fusha tenisi në Kamari dhe Karteradso. Në Perissa, ndodhet një minifushë golfi, një park lojërash uji, karroca për fëmijë dhe fushë patinazhi, volejbolli dhe basketbolli. Plazhet kryesore të Santorinit ofrojnë mundësi për sporte ujore, por përvoja më interesante është zhytja me polumbarë

postbck postbck