Vendimi i Xhovanit të Aragonës, Mbret i Siqelisë dërguar shqiptarëve që u vendosën në tokën Siqeliane

Pas vdekjes së Skënderbeut, kur tokat arbërore u pushtuan pothuajse krejtësisht nga Perandoria Osmane, shumë familje fisnike arbërore/shqiptare migruan në Siqeli, ku atje vazhduan jetën dhe veprimtarinë e tyre. InforCulture sjellë vendimin e Xhovanit të Aragonës, mbretit të Siqelisë që i’u dërgua familjve fisnike arbërore/shqiptare që atë kohë u vendosën në Siqeli.

Vendimi i Xhovanit të Aragonës, mbret i Siqelisë dhe ungj i mbretit Ferdinand të Napolit, dërguar shqiptarëve që u vendosën në tokën Siqeliane.

Ne, Xhovani, për hir të Zotit mbret I Aragonës, etj. Përmes letrave të të shumë përndriturit Mbret të Napolit, Ferdinandit, nipot tim, m’u rekomanduan Petrush Emanuel de Pravata, Zaharia Gropa, Petrush Gucia dhe Palush Manishi, fisnikë arbër dhe epirotas, (luftëtarë) trima kunder turqve, shumë të njohur dhe të të njëjtit gjak me të pathyeshimin Gjergj Kastrioti Skëderbeu, prijës i Arbërisë dhe princ i Epirit, gjithashtu, fisnikë të tjerë albanë, të cilët, duke kaluar nëpër mbretërinë tonë të Siqelisë bashkë me kolonë të tjerë, kërkojnë të zenë vend atje. Prandaj, Ne, duke qenë të bindur në besimin e tyre katolik, në integritetin e tyre, i clirojmë ata dhe të gjithë fisnkët arbër dhe epirotas, përsa ta kenë jetën, nga të gjitha taksat, detyrimet ose barrët e tjera në mbretërinë tonë, nga ato që janë dhe ato që mund të vihen, si të lartpërmendurit De Prava, Gropa, Gucia dhe Manisi, si edhe të tjerë, të cilët do të tregojnë fisnikrinë e tyre.

(Shkëputur nga Libri: Shqiptarët, Misioni i tyre Historik nga Vincenc Dorsa) /InforCulture.info