<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Rënia e flokëve, arsyet potenciale të rrezikut, parandalimi dhe trajtimi i duhur

“Floku është korniza e fytyrës”, ky postulat është një ethe e të gjithëve atyre që duan, dhe duhet sigurisht, të kenë një paraqitje sa më të hijshme, të kenë një performancë të admirueshme, të disponojnë një prej armëve më efikase të suksesit, bukurinë.

Por jo gjithnjë ajo që dëshirojmë ka si aleat atë që ndodh. Rënia e flokëve trajtohet nga shumë femra, edhe meshkuj padyshim, si paradhomë e terrorit të ndryshimeve që janë gjithnjë të pamirëseardhura.

Por jo çdo rënie e flokëve është arsye për t’u rënë kambanave të alarmit. Flokët, ashtu si e gjithë gama e përbërësit tonë anatomik, kanë ciklin e tyre të përtëritjes. Por dallimi mes gjendjes normale dhe asaj që kërkon veprim të menjëhershëm reagues është lehtësisht i dallueshëm. Kjo ndoshta nuk do të jetë e lehtë për meshkujt, zakonisht me flokë të pakët, por femrat janë në gjendje ta evidentojnë në kohën e volitshme për të marrë masat paraprake të prandalimit të përkeqësimit të metejshëm të situatës.

Rënia e flokëve mund të jetë normale (rënia e trashëguar e flokëve), ose anormale, që zakonisht është e përkohshme. Humbja e flokëve mund të prekë meshkujt, gratë dhe fëmijët dhe ekzistojnë një sërë arsyesh që kontribuojnë në të.

Rënia e trashëguar e flokëve

Lloji më i zakonshëm i rënies së flokëve tek meshkujt është “modeli mashkullor tullac” ose ndikimi hormonal androgjenetik, që është edhe shkaku i 95% të rasteve të rënies të flokëve tek meshkujt. Ajo zakonisht fillon rreth moshës 30 vjeçare, por mund të ndodhë në çdo kohë pas pubertetit. Modeli i rënies së flokëve, është përcaktuar që të jetë gjenetike. Gratë gjithashtu mund të përjetojnë “ndikimin hormonal androgjenetik”, por rënia e flokëve tek femrat është ndryshe në krahasim me meshkujt. Zakonisht fillon rreth moshës 30 vjeçare dhe bëhet e dukshme në moshën 40 vjeçare. Në disa raste mund të jetë akoma dhe më e dukshme pas menopauzës.

Rënia e përkohshme e flokëve

Ka shumë shkaqe të përkohshme të rënies së flokëve, që janë:

Lindja e fëmijës; kur gruaja është shtatzënë pëson rënien e flokëve më pak se zakonisht, por pas dy–tre muajsh pasi ajo të ketë lindur, vihet re një sasi e madhe e rënies së flokëve;
Temperatura e lartë, një infeksion i rëndë ose grip;
Sëmundja e tiroides;
Pamjaftueshmëria e proteinave në dietën tuaj ose mbajtja e një diete ekstreme;
Disa ilaçe, që përfshijnë pilulën kontraceptive;
Trajtimi i kancerit;
Mungesa e hekurit
Shkaqet psikologjike; si p.sh. çrregullimi i pandreqshëm ose stresi i rëndë;
Kirurgjia e madhe ose sëmundjet kronike;
Infeksionet fungale të kokës;
Dëmtimi nga tërheqja e fortë e flokëve dhe nga hekuri (pjastra);
Dëmtimi kimik nga produktet e flokëve.

Kontaktoni farmacistin ose mjekun e familjes

Nëse humbja juaj e flokëve është e papritur;
Nëse koka juaj duket e skuqur, me luspa dhe e kruajtshme;
Nëse ju kohët e fundit keni lindur dhe keni humbje të flokëve;
Nëse ju kohët e fundit keni filluar një mjekim të ri ose keni patur kemioterapi;
Nëse ju keni sëmundjen e tiroides, një mungesë ushqimi dhe një sëmundje autoimune;
Nëse procesi i rënies së flokëve është i ndryshëm nga një proces normal si tek meshkujt ashtu dhe tek femrat.

Këshilla mbi trajtimin

Vazhdoni të lani flokët tuaj me një shampo të butë;
Nëse ju përdorni tharësen e flokëve, përdoreni në nivel sa më të ulët në mënyrë që të mos dëmtojë flokët tuaj;
Është mënyrë e sigurt që t’i lyeni flokët kur ngjyra juaj është larguar ose floku është në një gjendje jo të mirë;
Një prerje flokësh ndryshe mund ta bëj humbjen tuaj të flokëve më pak të dukshme;
Trajtoni çdo gjendje skalpi, siç është zbokthi ose psoriasiz;
Hani një dietë të mirë-balancuar;
Praktikoni teknikat e relaksimit dhe konsideroni faktin që stresi është faktor në rënien e flokëve;
Mos i shtrëngoni flokët shumë fort kur i lidhni;
Nuk ekziston një kurë për humbjen e trashëguar të flokëve, por disa trajtime mund të zvogëlojnë procesin dhe mund të ndikojnë në mbirjen e flokëve;
Trajtimi i hershëm funksionon mirë për të parandaluar humbjen e mëtejshme të flokëve; nëse trajtimi ndalohet, humbja e flokëve do të fillojë përsëri;
Transplanti i flokëve do të jetë një opsion; zakonisht është më i suksesshëm për meshkujt sesa për gratë.