Acidi citrik ose siç e njohim rëndom limontozi është një substancë e nevojshme që gjendet tek shumë fruta si limonët, portokallet, qitro, kivi, mollët, luleshtrydhet, dardhat, qershitë, mandarinat.
Këtë substancë e gjejmë edhe tek patatet, bizelet, kërpudhat, shpargu dhe domatet.
Acidi citrik përdoret edhe për të ruajtur jetëgjatësinë e një produkti farmaceutik apo pijeve.
Ai përdoret për t’u dhënë aromë ushqimeve apo për të pastruar shtëpinë.
Acidin citrik ose limontozin mund ta blini në formën e pluhurit.
Deri në vitet 1900, Italia njihet si prodhuesi më i madh i limontozit duke plotësuar plot 90% të prodhimit global.
Acidi citrik ka natyrë alkaline dhe ekuilibron nivelet e acidit në organizëm.
Ai shërben si antioksidant ndaj është miqësor me lëkurën.
Në aplikimet në lëkurë, kjo substancë largon qelizat e vdekura dhe e mban atë të butë.
Acidi citrik gjendet edhe në organizëm dhe është i rëndësishëm në prodhimin e energjisë.
Sasitë e prodhuara në trupin tonë janë minimale ndaj është e nevojshme që këtë acid ta marrim nëpërmjet ushqimeve.
Acidin citrik në formën e pluhurit mund ta përdorni për përgatitjen e pijeve dhe ëmbëlsirave me aromë agrumesh.
Mund ta përdorni për të larë enët ose për të pastruar banjën.
Acidi citrik është ideal për shëndetin e këmbëve dhe kundër erës së keqe të tyre.
Përdoreni bashkë me sodën e bukës dhe bëni banjë të ngrohtë për këmbët dy herë në ditë.
Acidi citrik përmirëson shëndetin e veshkave duke parandaluar formimin e gurëve.
Si antioksidant ai largon radikalet e lira, përgjegjëse për zhvillimin e qelizave kancerogjene.
Acidi citrik mund të përdoret edhe si gargarë për të zbutur fytin.
Pluhurin në fjalë mund ta përdorni në sasi të vogla për të shpërlarë gojën ose në maska shtëpie për pastrimin dhe ushqimin e lëkurës.
Ai është ideal kundër njollave të akneve, rrudhave dhe shenjave të moshës.
Një nga maskat më të mira përfshin përzierjen e çerek gote me ujë, çerek gote me qumësht pa yndyrë, dhe dy lugëve me limontoz pluhur.
Pastën e formuar vendoseni në lëkurë dhe mbajeni për 15 minuta.
Përzieni pak kos, mjaltë, një kapsulë me vitaminë E dhe një lugë çaji me acid citrik.
Vendoseni maskën në lëkurë dhe shpërlajeni pas 15 minutash.
Konsumi i tepërt i acidit citrik mund të jetë i dëmshëm.
Ai mund të shkaktojë dhimbje abdominale, të vjella, mungesë oreksi, marramendje, diare dhe rënie të tensionit të gjakut.
Njerëzit që vuajnë nga sëmundjet kardiovaskulare dhe gratë shtatzënë duhet ta shmangin këtë produkt sepse përthith mineralet e nevojshme.
Një nga perimet më ushqyese nga të gjithë të tjerat është selino, që…
Përbërësit: disa gjethe rozmarine, 3 kokrra limon, 250 gr mjaltë, 1 litër ujë. Shtrydhni…
Viti 1816 ka hyrë në histori si “Viti pa Verë”, një nga anomalitë klimatike…
Magnezi është një nga mineralet më të rëndësishme për funksionimin e duhur të…
] Mollët dhe dardhat janë fruta të pasura me vlera ushqyese dhe mund të jenë…
Historia shqiptare nuk është vetëm histori kryengritjesh, heronjsh dhe luftërash për liri. Ajo është edhe…