Pasaporta që e posedojnë vetëm 500 njerëz në botë

Pasaportat janë ato që na japin mundësinë të udhëtojmë nga një vend në tjetrin. Disa prej tyre, ama, kanë pak më shumë liri.

Është bërë e ditur se pasaporta gjermane e ilustron më së miri këtë, pasi ata që e posedojnë, mund të udhëtojnë në vetëm 177 vende pa viza.

Por duhet theksuar se ekziston një pasaportë që është kaq e rrallë dhe e vështirë për t’u gjetur, pasi vetëm 500 persona në botë e disponojnë një të tillë. Dhe flasim për pasaportën e Urdhrit Sovran Ushtarak të Maltës, përcjell albinfo.ch.

Sipas The Independent, për momentin në qarkullim janë vetëm 500 të tilla. Urdhri Sovran i Maltës u njoh nga Papa Paschal më 1113, dhe sot është një nga njësitë e pakta sovrane që nuk kanë ndonjë tokë apo territor. Urdhri pati vëmendjen kryesore ndaj të varfërve dhe mbrojtjes së besimit katolik.

Po ashtu me ndihmën e mijëra vullnetarëve ata ofrojnë ndihmë për fëmijët, të pastrehët, hendikepët, refugjatët, të moshuarit, të sëmurët dhe lebrozët në mbarë botën.

Urdhri gjithashtu mund të hyjë në traktate, të lëshojë pasaportat e veta, monedhat dhe pulla postare, dhe gëzon diçka që quhet “ekstraterritorialitet”, që e bën atë një ambasadë në Romë dhe vende të tjera.