Kërkohet nga qytetarët që tre javët e ardhshme të qëndrojnë në shtëpi si masë ndaj COVID-19

Drejtori i Institutit Kombëtarë të Shëndetit Publikë, Naser Ramadani në një konferencë për media apeloi te qytetarët që të kenë kujdesë dhe të qëndrojnë në shtëpi në tre javët e ardhshme, për shkak të rrezikut ndaj koronavirusit, raporton “Zëri.info”.

“Mbrëmë kemi thyer rekordin duke testuar 234 raste. Në Kosovë janë testuar mbi 1 mijë e 700 persona. Qytetarët duhet të përmbahen edhe tre javë të cilat po konsiderohen të rrezikshme për shërthimin e virusit. Unë besoj që do të ja dalim së bashku. Këto tre javë qytetarët t’i kalojnë në shtëpi sepse situata do të kalojë lehtë nëse i përmbahen rekomandimeve të institutit”, tha ai.

Ndërsa, drejtori i Përgjithshëm i Policisë së Kosovës, Rashit Qalaj deklaroi se Policia e Kosovës është e përkushtuar në vazhdimësi dhe po kontribon që qytetarët të jenë të sigurtë.

Ai bëri apel te bizneset në vend që të lirojnë nga puna punëtorët e tyre në orën 16:00, në mënyrë që ata të mbërrinë para orës policore në shtëpitë e tyre.

“Angazhimi i pjesëtarëve të policisë është maksimal, pasi ata punojnë nga 12 orë. Puna që po e bëjmë të gjithë, ka bërë që të kemi situatën në kontrollë. Si polici jemi të përushtuar që në vazhdimësi të kontribuojmë që qytetarët të jenë të sigurtë. Bëjë apel te bisneset tona, të lejojnë punëtorët të mbyllin lokalet më herët që ata të mbërrinë në shtëpi në orën 17:00”, tha ai.