<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Vendimi i Qeverisë: Menjëherë të mbyllen të gjitha baret dhe kafeteritë

Qeveria e Kosovës ka vendosur mbylljen e menjëhershme të të gjitha bareve dhe kafeterive pas konfirmimit të dy rasteve të mbrëmshme se janë prekur me koronavirusin.

Mirëpo një vendim të tillë s’po e respektojnë një pjesë e dyqaneve në Prishtinë dhe qytete tjera.

Në pikën 6 të vendimit sqarohet gjithçka sa i përket lokaleve ku shërbehej kafja dhe ushqimi.

“Mbyllen kafeteritë, baret, pabet dhe restorantet, qendrat tregtare me përjashtim të farmacive dhe marketeve ushqimore”, thuhet në vendimin e Qeverisë.

Zyrtarë të Qeverisë kanë thënë se gjithë ata që nuk e respektojnë këtë vendim do të ballafaqohen me ligjin dhe pasojat ligjore. Kanë thënë se vendimi është i qartë dhe nuk kanë nevojë për sqarime shtesë.

Pos kafeterive, janë mbyllur edhe hyrjet dhe daljet në qytetin e Klinës dhe Istogut ku u konfirmuan rastet me koronavirus.

“Mbyllen kufijtë tokësor për udhëtarët që hyjnë në Kosovë, kjo nuk vlen për qytetarët kosovarë, të gjithë shtetasit e Kosovës të cilët hyjnë përmes këtyre kufijve do t’iu nënshtrohen kontrolleve të shtuara mjekësore me urdhrin që ata të vet izolohen për 14 ditë; Nga data 16 mars 2020 ora 24:00, bëhet pezullimi i përkohshëm i të gjitha linjave të udhëtimit ajror në Aeroportin e Prishtinës, përveç fluturimeve ushtarake, dhe emergjencave medicinale (MEDIVAC). Përjashtim bëjnë linjat e udhëtimit në ardhje me ekuipazh, por pa udhëtarë që shërbejnë vetëm për largim të udhëtarëve nga Kosova”, thuhet në vendimin e qeverisë.

Janë pezulluar edhe aktivitetet kulturore dhe sportive, janë mbyllur tregjet e kafshëve dhe automjeteve.

“Reduktohen në veprimet esenciale dhe staf esencial çdo institucion publik, përveç stafit të sektorit të shëndetësisë dhe të sektorit të sigurisë. Urdhërohen kompanitë private që ta organizojnë punën në atë mënyrë që shumicën e aktiviteteve punëtorët t’i kryejnë nga shtëpia”, thuhet më tej në vendim.

postbck postbck