A e dini pse në dollarin Amerikan shkruan “In God we trust” ?

Në tetor të vitit 1957 në kartëmonedhën amerikane ishte shfaqur për herë të parë shprehja “In God We Trust” si alternativë apo zëvendësuese e motos jo-zyrtare “E pluribus unum”.

Disa thonë se shprehja “Në Zot Ne Besojmë” është marrë nga himni i Amerikës “The Star-Spangled Banner”. Strofa e katërt përfshin frazën, “Dhe kjo të jetë motoja jonë: Në Zot është besimi ynë”.

Feisal Abdul Rauf, imam mysliman shkruan se fraza “Në Zot ne besojmë” përkon me mësimin Islam, dhe ofron dy paragrafë nga Kur’ani (3:193 dhe 2:285).

Në mënyrë të ngjashme, Melkote Ramaswamy, dijetar amerikan hindu, përcjell TiranaObserver, shkruan se prania e frazës “Në Zot ne besojmë” në monedhën amerikane është kujtesë se Perëndia ndodhet kudo, pavarësisht nëse jemi të ndërgjegjshëm apo jo.

Në judaizëm dhe krishterim, motoja “Në Zot Ne Besojmë ” ngjason me vargje nga Bibla, përfshi Psalmet (118:8, 40:3, 73:28) dhe Fjalët e Urta (29:25), transmeton bota.al.

Pas sulmeve terroriste të 11 shtatorit 2001, të gjitha shkollat publike në Shtetet e Bashkuara u pajisën me parulla “In God We Trust” të cilat u vendosën në zyra, biblioteka, kafene, korridore dhe klasa.