Zvarranikët me krahë të njohur si pterosaurët, krijesa me madhësi aeroplani që fluturuan nëpër qiej ndërsa dinosaurët ecnin në Tokë, ishin kafshët e para vertebrore që evoluuan fluturimin me energji. Pikërisht një fosil i zvarranikut të zhdukur miliona vjet më parë u zbulua në brigjet perëndimore të Skocisë.
Një fosil spektakolar tre-dimensional i një pterosauri të panjohur më parë është zbuluar në ishullin Skye, në brigjet perëndimore të Skocisë. Zvarranikët me krahë ishin krijesa me madhësi aeroplani që fluturuan nëpër qiej ndërsa dinosaurët ecnin në Tokë dhe kafshët e para vertebrore që evoluuan fluturimin me energji.
Me një hapje krahësh prej më shumë se 2.5 metra, ky është pterosauri më i madh i zbuluar ndonjëherë nga periudha Jurassic dhe për herë të fundit përplasi krahët e tij 170 milionë vjet më parë. Dhëmbët e tij të mprehtë, të cilët do të kishin këputur peshkun, ende e ruajnë smaltin e tyre të shndritshëm.
Në periudhën e Kretakut, menjëherë përpara goditjes së asteroidit që zhduku dinosaurët 66 milionë vjet më parë, pterozaurët si Quetzalcoatlus arritën madhësinë e avionëve luftarakë, me një hapje krahësh 12 metra.
“Pterosaurët e ruajtur në një cilësi të tillë janë jashtëzakonisht të rrallë dhe zakonisht rezervohen për formacione shkëmbore të përzgjedhura në Brazil dhe Kinë. E megjithatë, një pterosaur i madh i ruajtur në mënyrë të shkëlqyer doli nga një platformë baticash në Skoci,” ha Natalia Jagielska, një studente doktorature në Universitetin e Edinburgut.
Fosili u zbulua gjatë një udhëtimi në terren në vitin 2017, në një zonë të Skye të njohur në gjuhën gaelike si Pika e Vëllezërve. Një numër zbulimesh befasuese janë bërë në këtë zonë vitet e fundit, duke përfshirë gjurmët e dinosaurëve të tjerë. Paleontologët besojnë se dikur ishte një lagunë subtropikale dhe shtëpia e një komuniteti të lulëzuar dinosaurësh./ora/
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…