6.1 C
Pristina
Friday, March 5, 2021
Home Blog Page 604

Nëse keni një kompjuter Dell dhe iPhone atëherë jeni me fat

0

Në janar Dell prezantoi një softuer të quajtur Mobile Connect dhe premtoi që në pranverë do të jetë i disponueshëm edhe në iPhone.

Prodhuesi i kompjuterëve ka përditësuar Mobile Connect për të ofruar transferimin e përmbajtjes mes iPhone dhe kompjuterit tuaj Dell por jo vetëm.

Përdoruesit mund të komandojnë iPhone e tyre direkt nga kompjuteri. Shkëmbimi i përmbajtjeve është i kufizuar në vetëm foto dhe video por besojmë se është e mjaftueshme duke qenë se shumica e përdoruesve duan të ruajnë fotot në telefon.

Komandimi i ekranit të iPhone është ajo çfarë prisni. Në kompjuter shfaqet ekrani i iPhone që mund ta komandoni dhe kontrolloni me tastierë, maus ose ekran me prekje.

Me ndryshimet e fundit Mobile Connect tashmë ofrojnë funksionalitete të njëjta mes përdoruesve Android dhe atyre të iPhone. Aktualisht aplikacioni i Dell është një opsion më i mirë krahasuar me Microsoft Your Phone. /PCWorld Albanian

Në dyqan shkoni herët dhe vetëm, mos i prekni të gjithë artikujt

0

Mund të zvogëloni rrezikun nga infeksioni

Njëra ndër rregullat më të rëndësishme është që në dyqan të shkoni sa më herët, derisa nuk ka tollovi, meqë atëherë ka zgjedhje më të madhe të artikujve.

Sado që të përpiqeni të jeni sa më pak në kontakt me njerëzit, blerjen e artikujve themelorë jetësorë nuk mund ta shmangni.

Mirëpo, mund ta zvogëloni rrezikun nga infeksioni.

Para se të dilni nga shtëpia, lani duart, vishni dorezat higjienike, merrni me vete mjetin e dezinfektimit të duarve (ndoshta do t’ju nevojitet në market) dhe listën e artikujve të nevojshëm.

Më së miri do të jetë që të shkoni vetëm, pa fëmijët apo partnerin.

Mos prekni çdo artikull, posaçërisht jo pemët dhe produktet e furrës, por merrni vetëm atë që ju është e nevojshme.

Kur të ktheheni në shtëpi, e para që do të bëni është që t’i lani duart.

Nuk ka nevojë t’i lani çdoherë: Si t’i dezinfektoni më së miri maskat e pëlhurës pas bartjes?

0

Për shkak të mungesës së maskave kirurgjike nëpër barnatore, shumica kanë qenë kreativë dhe kanë filluar t’i bëjnë maskat vetjake

Mirëpo, menjëherë është shfaqur pyetja sa jeni të detyruar të bëni maska në mënyrë që pas çdo bartjeje t’i lani dhe t’i dezinfektoni?

Ekspertët i kanë dhënë përgjigje të thjeshtë kësaj pyetjeje – nuk ka nevojë t’i lani pas çdo bartjeje, transmeton Telegrafi.

E gjitha që duhet të bëni është që pas kthimit në shtëpi të merrni hekurin dhe me avullin që e krijon hekuri të sterilizoni maskën të cilën e keni bartur.

Në të vërtetë, hekuri me avull prej 100 gradësh është dezinfektimi më i mirë jo vetëm për maskat, por edhe për të gjitha gjërat të cilat i keni bartur në vete – fanellat, xhaketat, pantallonat.

Gjithashtu, në të njëjtën mënyrë mundeni t’i dezinfektoni edhe jastëkët, perdet, përkatësisht çdo gjë që duhet dezinfektuar në periudhën kur është mungesë e mjeteve dezinfektuese.

Dhe, nëse nuk keni mjaftueshëm maska kirurgjike, ne ju propozojmë që të shikoni videon dhe vetë, me siguri, të bëni njësoj maskë efikase.

Jam Shqiptar, jehonte zani i Mirush Kabashit në vitin 1998

0

Mirush Kabashi lindi më 17 prill1948 në Shkodër dhe është rritur në Durrës. Është një aktor shqiptar. Origjina e tij është nga Gjakova. Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike, shkruan InforCulture.info

Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare. E ndërsa një pjesë të jetës së tij ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”.

Në kohën më të vështirë që përjetonte populli shqiptar në Kosovë gjat kohës së luftës, zëri i tij, apo më mirë me thënë recitalet e tij, ishin frymëzim dhe ushqente zemrat e gjithë shqiptarve për ngritje të vetëdijës kombëtare në atë kohë kur më së shumti ishte e nevojshme. InforCulture.info

Murtaja dhe sëmundjet e mëdha në Shqipëri, në kohët e kaluara

0

Nga: Faik Konica

Në shkollat e mjekësisë rrëfejnë se të katër sëmundjet e mëdha që kanë korrë papushim njerëzinë nëpër brezat e vjetëve, e kanë të gjitha burimin në grykat e do lumenjve të mëdhenj e në baltërat e ndyra që i rrethojnë. Kolera ka marrë gjithmotin burim në grykë të lumit Gang, në Hindustan; tifuzi [tifoja] në grykë të Tunës; ethet e verdha në grykë të Misisipit; e murtaja në Nil e në Indokinë.

Kjo sëmundje e tutshme, mbas shumë vjetësh mungimi, filloi të shfaqej më 1899 në Skënderie, në Lisbonë dhe – e thonë me zë të ulët – në Anversë të Belgut, në Paris e në Portsmouth. Kujdesi i guvernave, i ndihmuar me fuqinë e shkencës do t’i dalë zot – na mban uzdaja – këtij rreziku të përgjithshëm, e që tash duket se sëmundja e tutshme zuri të pakësohet në atë vend ku kish rënë.

Sido në qoftë, për të plotësuar dëshirën që kanë ligjëruesit për të gjetur në një kalendar të mirë përmendje [historike] për ndodhira të vitit, u munduam dhe gjetëm në do libra të moçme vitet e rënies së murtajës në Shqipëri.

Më 1368, ra në Janinë një murtajë e madhe, e u hap deri në Berat.

Më 1374, ra murtaja në Nartë, dhe vdiq kryezoti i vendit Pjetër Llosha.

Më 1375, murtaja goditi prapë Janinën, dhe vdiq zonja Irena, e bija e dukës së Janinës.

Më 1736, ra në Janinë një murtajë e tutshme, të cilën e pruri nga Vllahia një gunar i emëruar Zamari. Vdisnin vetëm brenda në Janinë 50 a 60, e shpesh edhe 80 veta përditë. Kjo murtajë filloi të korrë në muaj të Frorit e u mbajt deri në ditë të Shën Mitrit.

Më 1814, ushtarë shqiptarë të sulltanit, duke u kthyer nga Misiri, sollën një murtajë të madhe që ra, e rreptë e e tutshme, në Shkodër, në Ipek [Pejë], në Durrës, në Vlorë, në Janinë, dhe më tepër në Delvinë. U mbajt deri më 1819, dhe bota binin porsi miza.

Rastet kur nuk këshillohet konsumimi i hudhrës

0

Hudhra mund të mos jetë erëza e preferuar e shumicës prej nesh, kjo për shkak të aromës së saj. Megjithatë, vlerat e saj ushqyese janë të jashtëzakonshme. Hudhra ka veti antibakteriale dhe antiinflamatore që përmirësojnë qarkullimin e gjakut, luftojnë plakjen e parakohshme dhe ulin rrezikun e prekjes nga tumore të caktuara.

Hudhra përbëhet nga substanca azotike, sodium, kalium, selen, kalcium, magnez, acid sulfurik dhe fosforik, vitamina C, D, B që shkatërrojnë një numër të madh bakteresh.

Për këtë arsye përdoret shumë në mjekësinë popullore për shërimin e disa sëmundjeve, por ekzistojnë edhe disa kategori njerëzish ose situata ku është e ndaluar të përdorni hudhra:

Gratë shtatzëna dhe ato që ushqejnë fëmijën me gji: Hudhra është e sigurt për t’u përdorur gjatë shtatzënisë kur merret në sasitë që normalisht gjenden në ushqim. Hudhra është e paqëndrueshme kur përdoret në sasi medicinale gjatë shtatzënisë dhe gjatë ushqyerjes së foshnjës me gji.

Nuk ka mjaftueshëm informacione të besueshme për sigurinë e aplikimit të hudhrës në lëkurë nëse jeni shtatzënë ose gjatë ushqyerjes me gji. Prandaj, për të qenë më të sigurt, mos e përdorni.

Fëmijët: Hudhra është disi e sigurt kur merret me anë të gojës dhe në mënyrë të përshtatshme për një afat të shkurtër tek fëmijët.

Sidoqoftë, hudhra mund të jetë e dëmshme kur merret në doza të larta. Disa të dhëna sugjerojnë se doza të larta të hudhrave mund të jenë të rrezikshme apo edhe fatale për fëmijët. Arsyeja për këtë paralajmërim nuk dihet.

Të paktën deri tani nuk është raportuar ndonjë rast fatal tek fëmijët nga konsumimi i hudhrës. Kur aplikohet në lëkurë, hudhra mund të shkaktojë plagë të ngjashme me djegien.

Çrregullime të gjakderdhjes: Hudhra, veçanërisht ajo e freskët, mund të rrisë rrezikun e gjakderdhjes.

Probleme të stomakut ose tretjes: Hudhra mund të irritojë traktin gastrointestinal . Përdoreni me kujdes nëse keni probleme me stomakun ose tretjen.

Tensioni i ulët i gjakut: Hudhra mund të ulë tensionin e gjakut. Në teori, konsumimi i hudhrave mund të bëjë që tensioni i gjakut të bëhet shumë i ulët tek njerëzit me tension të ulët të gjakut.

Përpara një operacioni: Hudhra mund të zgjasë gjakderdhjen dhe të ndërhyjë në presionin e gjakut. Ndaloni marrjen e hudhrave të paktën dy javë para një operacioni të planifikuar.

Këto 696 fshatra ku flitet shqip janë dëshmi e rrënjëve shqiptare të Greqisë

0

Nga Arben Llalla

Projekti Europian i vitit 1987 me studiues nga shumica e vendeve anëtare për të faktuar përmes gjuhës, praninë e shqiptarëve në shtetin helen.

Janë 696 fshatra në Greqi, të cilat kanë qenë dhe janë të banuara nga popullsi me rrënjë shqiptare. Përfundimet nga kërkimet e studiuesve arbanë si Antonio Bellushi, Aristidh Kola, Jorgo Miha, Jorgo Maruga, Athanasio Cigo, Kazaqis, Panajotopulos e të tjerë, evidentojnë se shqiptarët e Greqisë ndahen në dy grupe, ata që janë arvanitas vendas, të cilët njihen qysh në kohën antike dhe që nga shekulli 4-13, të cilët janë mbi 550 fshatra.

Janë dhe rreth 150 fshatra që banohen nga shqiptarët që grekët i quajnë allvanofonos (shqipfolës) që kanë ardhur në Greqi rreth viteve 1600. Kryesisht, fshatrat që janë banuar dhe banohen nga popullsia që flet në vatër gjuhën shqipe ndodhen në zonën e Epirit, disa janë në zonën e Thrakës, Peloponezit, Thesalisë, Livadhiasë. Në ishujt të Korfuzit, Specas, Hidrës, Psaron, Andros, Salaminës, Jo, Thirra (Santorini) e gjetkë.

Studimi i Komunitetit Europian

Në vitin 1987, një grup i Komunitetit Europian vizitoi Greqinë nga data 4-10 tetor 1987, për të kryer një studim rreth pranisë së elementit shqiptar dhe ruajtjes së prejardhjes etnike të gjuhës. Udhëtimi u organizua nga Byroja Europiane për Studimet e Gjuhëve pak të përdorura nën mbikqyrjen e Komisionit të Komunitetit Europian. Grupi përbëhej nga studiuesit e njohur arbëresh Urat Antonio Bellushi (Itali), Rikardo Alvares, Kolon Anget, Havier Boski, Joseph San Sokasao (të gjithë spanjollë), Onon Falkoma (holandez), Volfgang Jeniges (belg), Robert Martin, Stefan Moal (francez), Kol O’Cinseala (irlandez).

Qëllimi ishte që përfaqësuesit europianë gjatë vizitës të binin në kontakt me fshatrat që banohen nga njerëz që flasin gjuhën arvanite.

Gjatë vizitës përfaqësuesit e Komunitetit Europian u ndeshën me shumë probleme deri dhe në lëndime. Megjithatë, grupi i studiuesve nuk u ndal deri në fund të misionit për të sjellë të dhëna mjaft të rëndësishme shkencore për praninë e shqiptarëve në Greqi.

Fshatrat ku flitet shqip

Emrat e fshatrave të mëposhtëm janë sjellë ashtu si shqiptohen në gjuhën greke, pa u bërë përkthimi në gjuhën shqipe. Lexuesi mund të vërejë pa vështirësi se shumë nga këto emra të fshatrave kanë rrënjën dhe kuptimin e pastër të gjuhës shqipe dhe këta emra u kanë rezistuar deri më sot edhe ndryshimeve që kanë sjellë vitet.

Në fjalët e shkruara me shkronja të mëdha rrënja dhe kuptimi tregojnë qartë prejardhjen ose kuptimësinë nga gjuha shqipe. Shumë emra të fshatrave përbëhen nga bashkime të fjalës greke me atë shqipe.

Ndërsa emrat e fshatrave në kllapa, janë fshatra, ku gjuha arvanitase flitet pak dhe po shkon drejt zhdukjes. 1-Qarku i Atikëska rreth 84 fshatra, ndër to përmendim: Qeratea, Kuvaradhes, Kalivia, Koropi, Kapandhriti, Mazi, SHPATA, LOPËSI, MARATHONA, BUJA, Menidhi, Shpatanxiq, Gramatiko, Kalamos, Markopulo, Markopulu i Orapisë, Moilesi, Malakasa, Kakoshalësi, HALKUÇI, Sikamino, (KUKUVAJNË), Anoljosia, (Katoliosia), Kamatero, HASI, Aspropirgo, (Brahami). 2-Zona e Megarindhos përmendim: Ambelaqia, Elensis, Madra, Magula, Vila, Mazi, KRYEKUQI, Salamina.

Kryeqyteti i ishullit të Salaminës, Kuluri banohet me arvanitë si dhe qytetet e ishullit Muqi dhe Ambelaqi banohen nga popullsia arvanite. Tasos Karadi shkrimtar arvanit nga Salamina në një intervistë për një kanal televiziv shqiptar ka thënë se sot në ishullin e Salaminës ka mbi 40.000 mijë arvanitë.

3-Zona e Egjios ka ishullin Angjistri. 4-Zona e Thivës përmendim fshatrat: Hastia, DOMVRANA, KOKOSHI, Ksironomi, Karadas, Frimokastro, Paleopanagjia, VAJA, Kasnesi, Kaskaveli sot Leondaris, Parapungaj, Kapareli, BALCA, KOKLA, Kleboçari Pirgo, Lutufi, Ambeloshalësi, (Tahi), (Agjio Theodori), Neohori, Darimari, Mustafadhes, Dervenoshalësi, Rapendosa, Kakoniskiri, Kavashala, Stefani, Klideti, SHKURTA, VATHI, (KRIBAÇI), MURIQI, SHKIMETAR, Spaidhes, Latani, KARDHICA, Braci, Koqino, Sirç, Lukisia. 5-Zona e Livadhjas përmendim: Stiri, Kiruaki, Zeriqi, Kukura, Zagara, Mazi, Vrastamites, Kutumula, Luci, Pavlo, Steveniko.

6-Zona e Korinthos përbëhet nga fshatrat: Agjio Theodori, (Lutraqi), BISHA, KLIMENDI, BALCA e madhe, BALCA e Vogël, LOPËSI, Dusha, Kastanja, BIÇA, (KUÇI), Almiri, Katakali, Bashi, BIÇA, (LALOTI), SULI, (Ibrahim Bej), MAÇANI, Galataqi, Rito, Katakali, Sofikon, Karfos, Angjelokastro, Voivoda, ZEMENO, Panariti, Mukli, Vasiliko, Vladusa, Velina, Bozika, Atikia, Kriavrisi, Pala Korinthi, (Asos), Ksiloqerëza, Limohori. 7-Zona e Lokridhës përmendim: Livanadhes, Martino, MALËSINA, Proskina, Pirgos, Mazi, Larina, Surpi, Teologos. 8-Rrethi i Argos përmendim: Berbati, Limnes, (Kuçopodhi), (Varduva), (PRIFTJANI), (Pasha), (Honika), (Bundja), 9-Ishulli i Nafplios përmendim: Maneshi, Ledra, Pulakidha, Merbaka, Plataniti, Heli, Anifi, Dimena, (GJERBËSI), (Kofini), Kamari. 10-Zona e Trisinias; përmendim: (Poros), Valario, METHANA, Vromolimi, Kosona, Agjio Teodori, Megalo Horio, Megalo Potami, Kameni Hora, Ano Fanari, Karaxha, Lesia, Bafi, Ortoliti.

11-Zona e Ermonidos përbëhet pothuajse nga ishujt që historikisht njihen si qëndra të mëdha të banuara nga arvanitët dhe ku dolën heronjtë, kryetarët e parë të shtetit grek.14 Hidra, (SPECA), FURRNI, Kranidhi, Porto Heli, Ermioni, Sabariza, Iliokastro, Didimi. 12-Mantinias ka Dara. 13-Në Kalavrita është (Lukuria). 14-Për rrethin e Patrës thuhet se përpara dy shekuj banorët flisnin kryesisht gjuhën arvanitase dhe kishte gra që nuk dinin fare greqisht.

Kranidhi, Porto Heli, Ermioni, Sabariza, Iliokastro, Didimi. 12-Mantinias ka Dara. 13-Në Kalavrita është (Lukuria). 14-Për rrethin e Patrës thuhet se përpara dy shekuj banorët flisnin kryesisht gjuhën arvanitase dhe kishte gra që nuk dinin fare greqisht.

Sot, gjuha arvanitase është ndihmëse dhe përdoret kryesisht në kuvendet e pleqve ose kur folësit nuk dëshirojnë të mësojnë të tjerët atë që kuvendojnë midis tyre. (SULI), (MIRA), (Lalikosta), (MIRTIZA), (Franga), (BUKURA), (Verdoni), (HAJKALI), (Krali), (Harbilejka), (Lefkopetra,) (Lalikosta), (Nikoreika), (Kareika), (Franguleika) .

15-Në krahinën e Ilias, gjuha arvanitase ka humbur pothuajse dhe përmendim. (Kumani), (BËNDETI), (Kapelitu), (MALIQI), (Dorisa), (Nemuta), (Miles), (KALOLESHI), (Agjio Ana), (Psari), Kombothekra. 16-Krahina Trifilias permendim: SULIMA, LAPI, RIPËSI, Piça, Hiristohori, Psari, Kuvela, Ano Kopanaqi, Agrilia, Varibopi, Vidhisova, Klesura, DREDHË, SULI, Shirk.

Në fshatrat Sulima dhe Lapsi, gjuha arvanitase flitet si gjuhë e dytë. Kurse në fshatrat Ripës, Piça, Kuvela, Agrilia, Psari dhe Hirisohori, kryesisht burrat e vjetër flasin mirë gjuhën arvanitase. 17-Krahina e Karistias, përmenmdim: KALANË, Baba, Dramësi, VRESTIDHE, PRINJA, Kalamaqi, ZAKARIA, Thimi, Kakogjoni, Koqini, Figja, BASHAJ, DARDANI, (Bezhani), Fokej, Melison, Agjio Dimitri, MBRETI, KRIEZA, LEPURA, LALA, ZERBISHA, VIRA, Koskina, (Marmari), Mesohoria, Nikoleta, Kutumula, Armiropotamos, HANI, Agjio Apotoli, Polipotamos, Alonja, Kisuri, Kapsala, QELA. 18-Ishulli i Andros ka fshatrat: Gavro, Agjio Petro, Ateni, BAÇI, Remata, Katahalos, Arni, BURKOTI, Ano Aprovatu, Kato Aprovatu, GJIDHE, Kato Fellos, Pano Fellos, LIVADHESA, Psoriareza, Galios, AGJINI, Kalamos, Kalivari, Hartes, Ano Varidhi, Kato Varidhi, KUMARI, Kaloqerini, Vitali, Amolohos, Sidhonda.

Adolf Hitleri vdiq i pasur, po ku shkuan milionat e tij?

0

          Fakti është, se libri “Mein Kampf” – “Lufta ime”, e pasuroi shumë Hitlerin.

Shkruar fillimisht si traktat politik, por edhe një mënyrë për të hequr shpenzimet e gjyqit të Hitlerit për tradhti, në vitin 1924, libri është përkthyer në 16 gjuhë. Ishin shitur rreth tetë milionë kopje në kohën e vdekjes së autorit të tij, vitin 1945.

Ndërkohë, është vlerësuar të ketë fituar rreth 1 milion dollarë në vit në honorare, që financuan blerjen dhe zgjerimin e vendbanimit të tij në Alpe, në Berghof pranë Berchtesgaden.

Por, pavarësisht të gjithë pasurisë së dukshme, Hitleri kishte një karakter tepër asket, kishte pak “ndjenja” për paratë dhe – kur u bë Kancelar dhe Führer – kishte shumë pak nevojë për to.

Në të vërtetë, ai, madje, zgjodhi të heqë dorë nga paga e kancelarit të Rajhut dhe siç kujton shërbyesi i tij, nuk mbante asnjëherë para vetë. Kështu, honoraret nga “Mein Kampf” u administruan nga menaxheri i biznesit të Hitlerit, Max Amann, drejtor i botuesit të tij, Franz Eher Verlag në Mynih – një nga shtëpitë botuese më të pasura dhe më me ndikim në Gjermaninë naziste. /Konica.al

Google ua mundëson bizneseve të njoftojnë nëse janë përkohësisht të mbyllura, apo kohën e caktuar kur ofrojnë shërbime

0

Numri i bizneseve që po mbyllen përkohësisht shkaku i coronavirusit, është tepër i madh, ndërsa Google po mundëson që të njoftohen klientët, nëse një biznes i caktuar është mbyllura përkohësisht, apo nëse ofron shërbime në kohë të caktuar.

SearchEngineLand raporton se kjo mundësi është në dispozicion në Google My Business, ku pasi përdoruesi të regjistrohet, duhet të hyjë në opsionin info, transmeton Telegrafi.

Më pas, të kërkojnë në “Close this Business në Googogle” dhe për ta mbyllur përkohësisht biznesin, të klikohet në “Marks as Temporaly Closed”.

Por, mundësi edhe më e mirë, është që të njoftohen klientët, për kohën e caktuar kur një biznes është i hapur dhe ofron shërbime, ndërsa ky opsion mund të caktohet tek orari i punës.

Drejtori i përgjithshëm në Google, Sunda Pichai ka bërë të ditur se po mbledhin të dhënat qeveritare, informata nga vet bizneset si dhe një sistem algoritmi, që të tregohet me saktësi se cili biznes është përkohësisht i mbyllur.

Ky sistem do të jetë shumë i nevojshëm, për ata që kanë disa pika shitëse dhe mund të njoftojnë në të njëjtën kohë për mbylljen e tyre të përkohshme.

Nga ky sistem do të përfitojnë edhe përdoruesit, të cilët nuk do të nisen për në biznese që nuk punojnë, derisa do të drejtohen vetëm në kohën e duhur kur ofrojnë shërbime.

Rastet e reja me koronavirus: 3 nga Prishtina, 4 nga Vushtria, 1 nga Peja

0

Instituti Kombëtar i Shëndetit Publik ka njoftuar se janë konfirmuar edhe tetë raste të reja me koronavirus dhe se një prej pacientëve i cili ishte infektuar me COVID-19, është shëruar.

Përmes një komunikate drejtuar mediave, IKSHP’ja ka bërë me dije se katër prej këtyre rasteve janë raste kontakti me vendbanim në Studime të Ulët në Vushtrri, tri raste me vendbanim në Prishtinë dhe një rast kontakti me vendbanim në LLugagji të Pejës.

Sipas institutit, vetëm sot janë testuar 89 mostra, derisa nga 8 shkurti janë testuar 855 mostra, ku prej tyre 79 kanë rezultuar positive.

“Nga këto mostra të marra për testim në virusin SARS-CoV, tetë (8) prej prej tyre kanë rezultuar pozitive. Sot kemi lajmin e mirë se një pacient është i shëruar bazuar në rekomandimet e OBSH-së ku dy mostra rezultojnë negative me së paku një ditë distancë kohore.Rastet e konfirmuara pozitive janë 4 raste kontakti me vendbanim në Studime të ulët Vushtrri, 3 raste me vendbanim në Prishtinë dhe 1 rast kontakti me vendbanim në Llugagji-Pejë”, ka njoftuar IKSHP’ja.