Organizata për Hulumtime dhe Vetëdijësim Shoqëror Trungu, përmes një njoftimi në faqet e saj në rrjete sociale ka njoftuar se tashmë është bërë publikimi i platformës “KulTur02”, platformë kjo që synon promovimin e trashëgimisë kulturore të rajonit të Mitrovicës, dhe njëkohësisht zhvillimin e turizmit në këtë rajon.
Pra, kjo platformë synon që me anë të saj të bëjë promovimin e vendeve me karakter kulturor, historik dhe turistik të rajonit të Mitrovicës, përkatsisht qyteteve Mitrovicë, Skenderaj dhe Vushtrri.
Platforma është pjesë e projektit me me të njejtin emër, “KulTur 02”, i cili është financuar nga Ministria për Kulturë Rini dhe Sport.
Për të realizuar platformën është punuar plot 6 muaj nga një staf profesional si, Ajrina Rushiti-koordinatore e aktiviteteve, Ardiana Zeqiri, menaxhere e projektit, me në krye drejtuesin e këtij projekti, Besfort Islamin.
Bashkëpunëtorë të ngushtë në këtë projekt përpos MKRS-së kanë qenë edhe Qendra Rajonale për trashëgimi Kulturore-Mitrovicë, e cila ka ndihmuar me listat e lokaliteteve, kompania “Flutra Webs” që ka bërë realizimin teknik të platformës, si dhe disa fotografë shumë të talentuar të rajonit të Mitrovicës, që kanq realizuar fotografitë e lokacioneve përkatëse.
OJQ “TRUNGU” në vazhdimësi ka kontribuar në promovimin e trashëgimisë kulturore dhe zhvillimin e turizmit në rajonin e Mitrovicës, dhe përmes njoftimit në facebook thotë se publikimi i kësaj platforme është vetëm hapi i parë dhe faza fillestare e platformës, dhe se do punojnë fuqishëm që këtë platformë ta pasurojnë vazhdueshëm.
Për të parë postimin rreth platformës dhe platformën online, ndiqni linqet në vazhdim:
PLATFORMA KETU: https://kultur02.info/
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…