Në shikim të parë, kjo nuk duket diçka e jashtëzakonshme: Një skenë e vjetër bardhë e zi e një qyteti çuditërisht të braktisur, i ndotur nga ndonjë proces primitiv fotografik.
Por ky imazh i marrë në Paris, Francë, në vitin 1838, besohet të jetë fotografia më e vjetër, e cila deri më tash është publikuar nga ndonjë person, transmeton Telegrafi.
Në këndin e majtë të fotos shihet një person i ulur, duke ju pastruar çizmet në trotuar nga një këpucë-lustrues.
Imazhi është postuar në internet më parë, por ai fitoi një profil më të lartë, pasi ueb-faqja e lajmeve Mashable ka publikuar versionin e plotë të faqes të mërkurën, në partneritet me Retronaut, ueb-faqen e njohur me arkivin e saj të fotografive nga e kaluara.
Imazhi është marrë nga fotografi francez, Louis Daguerre, i njohur për foto-portretet e tija të para, një lloj i hershëm i fotove të prodhuara në një pjatë argjendi, ose një pjatë argjendi e mbuluar me bakër.
Fotoja shfaq bulevardin “Du Temple”, një zonë atëkohë e njohur për dyqane mode, kafene dhe teatro.
Ndërsa Joseph Nicephore Niepce, një nga partnerët e Daguerre, i cili ka përdorur një aparat fotografik të papërpunuar, ka kapur pamje nga një dritare në pronën e tij në vitin 1826 ose 1827.
Sot, kur pothuajse të gjithë kanë një aparat telefoni në xhepin e tyre dhe më shumë se 350 milionë foto ngarkohen çdo ditë në rrjetet sociale, moment historik i Daguerre duket i çuditshëm. Në vitin 2014, fotografi mund të kishte bërë vetëm një selfie. /Telegrafi/
Një zhurmë vdekjeprurëse, një tingull i lagësht dhe gurgullues kur merr frymë një…
Shkencëtarët kanë zbuluar një sinjal të fshehur në ekzaminimet e zakonshme të zemrës,…
Domatja është një nga perimet më të përdorura në ushqimin e përditshëm, por…
Me ardhjen e ditëve të ftohta dhe ndezjen e ngrohjes, në shumë apartamente…
Të mbyllësh sytë në mbrëmje dhe t’i hapësh vetëm kur bie alarmi. Për shumë njerëz,…
Ato janë ushqimi simbolik i vjeshtës, të shijshme dhe të vlerësuara në një mori përgatitjesh…