Me formimin e vendbanimit të ri orintal – kasabës, Mitrovica më shpejt zhvillohet dhe fiton karakterin e selisë të pushtetit të ri turk dhe të garnizoneve ushtarake e të ekonomisë zejtare, sidomos në kohën e eprorit ushtarak të spikatur turk, Gazi Isa Begut (Emrin e të cilit e ka sot Xhamia Qendore). Nga kjo kohë datojnë ndërtesat e para të ndërtuara: xhamia si simbol i sunduesit, sahat kulla, medresa dhe hani, transmeton “Mitropol”.
Rreth këtyre godinave të para grupizohet edhe mahalla e parë, e cila e merr emrin e Gazi Isa Begut. Pastaj vendbanimi zgjerohet buzë lumit Lushtë, rreth pjacës së sotshme, ku ndërtohen godinat e hyçymetit (gjyqi), xhamia e quajtur Qelepvirdi, hamami, mesxhiti (xhamia pa minare) e quajtur Hoshkaden – baba dhe Ruzhdia (Gjimnazi). Në këtë mënyrë, edhe bërthama e kasabës f.ormohet në qendrën e qytetit të sotshëm ,ndërmjet bregut të djathtë të Ibrit, kazermës dhe pjacës.
Në arkitekturën e vjetër folklorike, pos shtëpive me çyshkë, ndërtohen edhe shtëpitë me hajat të vogël të hedhur mbi rrugë, e gjithashtu edhe shtëpitë në kat me bazë katrore, nga të cilat disa kanë edhe magazet me kuhe harkore në dyer dhe dritare.
Rreth qendrës së qytetit formohen mahallët: Husen Çaush (rruga e Zhabarit), Hamidije (Muhaxher mahalla), në drejtim të rrugës së Vuçitërnës, Varosh mahalla, Potok mahalla, Shefteli mahalla dhe Kërvesh mahalla./Mitropol/
Burimi: “Pesëdhjetë shekuj të Mitrovicës”, me autorë Sulejman Murati dhe Mustafa Shukriu, nëndor 1971.
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…