Sarah Roberts, eksperte e flokëve dhe autore e librit “You and Your Hair”, si dhe Lissa Caddy, japin këshillat kryesore për t’i bërë flokët të rriten më shpejt
1 – Gjithçka fillon nga skalpi
“Skalpi ynë është vendlindja e flokëve tanë”, thotë Roberts.
“Të kuptuarit e bazave që ne duhet të sigurojmë për të patur një skalp të shëndetshëm është jetike për të patur më pas, flokë të shëndetshëm.”
Caddy shton:
“Qelizat e vdekura të lëkurës, sebumi/yndyra, djersa, bakteret, aromat dhe ndotja grumbullohen të gjitha në lëkurën e kokës, të cilat mund të shkaktojnë inflamacion.”
Adresimi i kushteve të lëkurës së kokës, si zbokthi, ekzema dhe psoriaza, do të sigurojë një mjedis më të shëndetshëm të skalpit, i cili nga ana tjetër optimizon rritjen dhe shëndetin e flokëve.
2. Një skalp i shëndetshëm = flokë të shëndetshëm
“Mendojeni kokën/skalpin si një shtrat lulesh. Nëse e neglizhoni, hidhni mbeturina në të, nuk e pastroni, atëherë nuk do të rritni kurrë lule të bukura, të gjalla dhe të shëndetshme”, shprehet Caddy.
2 – Përdorimi i nxehtësisë
Të gjithë kemi dëgjuar histori tmerri nga mbinxehja, por nëse jemi realist, ndonjëherë na duhet të pëdorim tharëse të nxehtë apo mashë/pjastër për t’i dhënë formë flokëve.
Sidoqoftë, edhe këtu duhet bërë diçka. Një zgjedhje e mirë janë produktet e mbrojtjes nga nxehtësia. Këto produkte veshin fijet tuaja me përbërës që mbrojnë flokët nga dëmtimet që vijnë së bashku me stilimin.
“Gjithsesi, ky dëm (i nxehtësisë) është i pakthyeshëm, prandaj, mos e bëni pjesë të përditshmërisë suaj”, shton Roberts.
3 – Suplementet për flokët funksionojnë vërtet
“Disa suplemente mund të jenë të dobishme për t’i dhënë flokëve një nxitje, veçanërisht nëse mendojmë se dieta jonë nuk është 100 përqind e shëndetshme”, thotë Caddy, duke theksuar se rënia e flokëve nuk shkaktohet gjithmonë nga probleme me ushqimin.
“Një suplement i mirë me fokusin te flokët, duhet të përmbajë vitamina dhe minerale të tilla si hekuri, B12, vitamina D etj, të cilat nëse rastësisht i keni në mungesë, mund të shkaktojnë rënie të flokëve.
4 – Investoni në mbrojtjen e flokëve tuaj
Kjo shkon përtej vetëm një mbrojtësi nxehtësie. Këtu e kemi fjalën për vajra, maska, këllëfë jastëkësh etj.
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…