Nje mëngjes, pa gdhirë mirë,
dhelpra dhe n]ë cjap me brirë,
shëtitnin tok nëpër ara;
kur gjejnë një pus përpara,
miqtë tok brenda zbrinë,
kërkuan ujë të pinë,
Kur pinë sa deshnë
ujë fort të ftohte,
dhelpra, duke kruar veshnë,
cjapit kthenet e i thotë
që të mundi ta gënjejë
qysh do të dalim këtejë?
Hipë, mik, mbi këtë gur,
ngre këmbët në këtë mur
dhe brirët përpjetë,
të ngjitem mbi kurriz tënd,
të mund të dal nga ky vënd;
edhe kur të shpëtoj vetë,
po të punosh si të thashë,
do të të nxjerr pa dyshim.>>
Thotë cjapi kokëtrashë:
«Qënkej i zgjuar dhe trim,
pasha zonë, këtë punë
kurrë s’e gjejë dot unë;
do të të kem në natyrë
për shembull e për pasqyrë.>>
Me këtë mënyrë
dhelpra jashtë dolli,
«Plastë dhia që të polli,
të rruat mjekra, —
i tha cjapit dhelpra.
Të keshe pak tru
dhe pak mend të keshe,
nukë do të jeshe.
te ky pus këtu.
Duro, paç uratë,
dhe mbeç me shëndet,
se çoku kam për të vatë
dhe puna nukë më pret,
rnënova shumë këtunë,
zorrët m’u shkundë.»
Miq, në çdo punë
mendoni funde!
/voal.ch /InforCulture.info
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…
Konsumatorët familjarë në Kosovë mund të përfitojnë nga tarifa e ulët e energjisë elektrike…
Teza e doktoraturës e historianit shqiptar Daut Dauti (1960-2026) sjell një këndvështrim britanik mbi zhvillimet…
Në vitin 335 para erës sonë, ndërsa Aleksandri i Madh po përpiqej të siguronte kufijtë…