“Mund të na vra.së të gjithëve”/ Alarmi i studiuesve për inteligjencën artificiale

 

 

Rritja e shpejtë e inteligjencës artificiale po shoqërohet edhe me paralajmërime nga vetë studiuesit që punojnë në këtë fushë.

 

 

Ekspertë të lidhur me kompaninë Anthropic kanë ngritur shqetësimin se zhvillimi i sistemeve gjithnjë e më të fuqishme mund të sjellë rreziqe serioze, deri në mundësinë e zhdukjes së njerëzimit.

Një nga zërat që ka ngritur alarmin është Jacob Coxon, ish-studiues i Anthropic.

Pas largimit nga kompania, ai shkroi në rrjetin social X se shumë prej njerëzve që zhvillojnë inteligjencën artificiale besojnë se teknologjia mund të bëhet e aftë të shkaktojë pasoja katastrofike brenda dekadës së ardhshme.

 

 

Sipas tij, shqetësimi ekziston edhe mes drejtuesve dhe studiuesve të lartë të industrisë.

Shqetësimin e Coxon e mbështeti edhe Evan Hubinger, drejtues shkencor për sigurinë dhe përafrimin e sistemeve në Anthropic. Ai tha se beson se ekziston një mundësi mbi 10% që inteligjenca artificiale të shkaktojë zhdukjen e njerëzimit brenda 10 viteve të ardhshme.

Hubinger sqaroi se bëhet fjalë kryesisht për sistemet e ardhshme superinteligjente dhe jo për modelet që përdoren sot.

Një tjetër shqetësim lidhet me mundësinë që sistemet e ardhshme të jenë në gjendje të përmirësojnë vetveten.

Sipas studiuesve, një zhvillim i tillë do ta bënte më të vështirë kontrollin njerëzor mbi teknologjinë, veçanërisht nëse sistemet do të fitonin aftësi për të vepruar në mënyrë autonome.

 

 

 

Paralajmërimet vijnë në një kohë kur kompanitë teknologjike po garojnë për zhvillimin e modeleve gjithnjë e më të fuqishme të inteligjencës artificiale. Për këtë arsye, debati nuk lidhet vetëm me përfitimet e teknologjisë, por edhe me mënyrën se si mund të kontrollohen rreziqet përpara se sistemet të bëhen më të vështira për t’u mbikëqyrur.

 

 

 

 

Edhe Komisioneri i Lartë i OKB-së për të Drejtat e Njeriut, Volker Türk, ka bërë thirrje për ndërhyrje të hershme nga shtetet, përpara se inteligjenca artificiale të dalë jashtë kontrollit dhe të shndërrohet në një rrezik ekzistencial për njerëzimin.