<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KËSHILLA

Nëse doni të kujdeseni për zemrën, ekspertët këshillojnë ta hani këtë ushqim çdo ditë

Sipas ekspertëve, konsumimi i rregullt i tërshërës ndihmon në uljen e kolesterolit, kontrollin e peshës dhe mbajtjen në nivele normale të sheqerit në gjak, duke ulur rrezikun e sëmundjeve kardiovaskulare.

Tërshëra konsiderohet një nga ushqimet më të rekomanduara për ata që duan të mbajnë zemrën të shëndetshme. Sipas ekspertëve, konsumimi i rregullt i saj ndihmon në uljen e kolesterolit “të keq”, ruajtjen e peshës dhe përmirësimin e nivelit të sheqerit në gjak, faktorë që lidhen me një rrezik më të ulët për sëmundjet e zemrës.

Nëse zëvendësoni brioshët apo drithërat me shumë sheqer me një tas tërshërë, mund të ulni nivelin e kolesterolit në gjak, veçanërisht kolesterolin LDL, i njohur si kolesteroli “i keq”.

Ky lloj kolesteroli është përgjegjës për krijimin e depozitave në muret e arterieve. Me kalimin e kohës, këto depozita ngushtojnë enët e gjakut dhe rrisin rrezikun për sëmundje koronare apo infarkt.

Ju ndihmon të humbni në peshë

Tërshëra është e pasur me fibra të tretshme, të cilat ngadalësojnë tretjen dhe ju mbajnë të ngopur për më gjatë. Kjo bën që të konsumoni më pak ushqim gjatë ditës dhe, me kalimin e kohës, mund të ndihmojë në humbjen e peshës.

Ekspertët thonë se humbet veçanërisht yndyra viscerale, pra yndyra që grumbullohet rreth organeve të barkut. Pikërisht kjo lloj yndyre lidhet me rritjen e tensionit, kolesterolit dhe rrezikut për sëmundje të zemrës.

Mund të ndihmojë edhe në uljen e sheqerit në gjak

Përveç fibrave, tërshëra përmban edhe antioksidantë natyralë që ndihmojnë organizmin të përdorë më mirë glukozën. Studimet kanë treguar se konsumimi i saj mund të ulë si nivelin e sheqerit esëll, ashtu edhe atë pas vakteve.

Kjo është e rëndësishme, pasi niveli i lartë i sheqerit dëmton enët e gjakut dhe rrit rrezikun për diabet të tipit 2 dhe sëmundje kardiovaskulare.

Po tensioni? Provat nuk janë ende të qarta

Sa i përket tensionit të gjakut, studimet kanë dhënë rezultate të ndryshme. Disa kanë gjetur se tërshëra ndihmon në uljen e tij, ndërsa të tjera nuk kanë vënë re ndryshime të rëndësishme. Megjithatë, ekspertët theksojnë se përfitimet e saj për kolesterolin, peshën dhe sheqerin në gjak janë arsye të mjaftueshme për ta përfshirë rregullisht në dietë.

Sipas Administratës Amerikane të Ushqimit dhe Barnave (FDA), rreth 3 gramë fibra të tretshme nga tërshëra në ditë mund të ulin kolesterolin total me rreth 5%. Kjo sasi gjendet afërsisht në 1.5 deri në 2 tasa tërshërë të gatuar, një filxhan tërshërë të thatë ose 3-4 lugë gjelle krunde tërshëre.

admin admin