<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KËSHILLA

Nxehtësia ekstreme: Rreziku i madh fshihet brenda këtyre ambienteve…

Shumë njerëz e dinë se temperaturat ekstreme mund të jenë të rrezikshme, por ajo që shpesh anashkalohet është se rreziku më i madh mund të fshihet brenda ambienteve të mbyllura, sidomos nëse ndalet kondicioneri ose edhe më keq, nëse nuk keni një të tillë.

Kur sistemi i ftohjes nuk funksionon, ambientet mund të kthehen në “sera”, ku nxehtësia hyn përmes dritareve dhe mureve, ndërsa ajri i nxehtë mbetet i bllokuar brenda.

Në vetëm pak orë, temperatura në ambiente të mbyllura mund të kalojë ndjeshëm atë jashtë, veçanërisht në katet e sipërme dhe në ambientet me ekspozim të drejtpërdrejtë ndaj diellit.

Studimet tregojnë se shumica e vdekjeve nga nxehtësia ekstreme ndodhin brenda ndërtesave.

Ekspertët shpjegojnë se trupi i njeriut përpiqet të ftohet përmes djersitjes dhe qarkullimit të gjakut në lëkurë, por kur temperatura dhe lagështia janë të larta, ky mekanizëm dobësohet.

Nëse temperatura e trupit kalon rreth 40 gradë Celsius, funksionet e tij fillojnë të dështojnë, ndërsa temperaturat mbi 42 gradë mund të jenë fatale, raporton The Independent, transmeton Klankosova.tv.

Një problem i madh është se ambientet nuk reagojnë njësoj ndaj nxehtësisë. Ndërtesat e reja me izolim të mirë mund ta mbajnë freskinë më gjatë, ndërsa ato me izolim të dobët dhe dritare të thjeshta mund të nxehen shumë shpejt.

Një studim i kryer në ShBA, analizoi qindra mijëra ambiente dhe simuloi skenarë me valë të nxehti dhe ndërprerje të energjisë. Rezultatet treguan se një pjesë e konsiderueshme e ndërtesave mund të arrijnë temperatura të rrezikshme për jetën, jo vetëm për të moshuarit, por edhe për të rriturit e rinj dhe të shëndetshëm.

Për të ulur rrezikun gjatë valëve të nxehtësisë, ekspertët rekomandojnë qëndrimin në katet më të ulëta të ndërtesave, mbylljen e perdeve gjatë orëve me diell dhe konsumimin e vazhdueshëm të ujit.

Ekspertët paralajmërojnë se me rritjen e temperaturave globale, ndërtesat duhet të projektohen jo vetëm për të kursyer energji, por edhe për të mbrojtur jetën e banorëve gjatë valëve ekstreme të të nxehtit.

admin admin