<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

“Çka është Vatani, Mulla Idris?!” – shtroi pyetjen një luftëtar i lodhur dhe gati i përgjumur…

Në librin e dr. Muhamet Pirraku mbi Mulla Idriz Gjilanin, përmendet dialogu i hoxhës trim me ushtarët e tij, në vijën e mbrojtes së kufirit lindor të Shqipërisë nga partizanët komunistë sllavë dhe çetnikët serbë, para betejës për mbrojtjen e Bujanovcit, të 29-31 Tetor, të vitit 1944. Një grup luftëtarësh do të tubohen rreth komandantit të tyre, që kishte ftuar famë. Më se një orë, Mulla Idrisi qëndroi midis tyre dhe u përgjigj në shumë pyetje të luftëtarëve shqiptarë të moshave prej 14-74 vjeç, që ishin të pranishëm në atë llogore burrash.

– “A do ta fitojmë luftën, Komandant?” – e pyeti shkoqur, një luftëtar Mulla Idrisin, por nuk i largonte sytë nga pushka, të cilën e fshinte me dashuri dhe për lakmi. Komandanti iu përgjigj shkurt:

“Humbë vetëm ai popull, që nuk lufton për Vatanin e vet!”

– “Çka është Vatani, Mulla Idris?!” – shtroi pyetjen një luftëtar i lodhur dhe gati i përgjumur, por pushkën e shtrëngonte me të dyjat, që mos t’i binte në tokë.

– “Vatani është Shqipëria, është toka ku u lind i pari jonë, ku i kemi varret e baballarëve, ku shqiptari është trashëguar djalë pas djali!” – iu përgjigj Mulla Idrisi.

Një luftëtar, që nuk i kishte kaluar të katërmbëdhjetë pranverat, mbështetur me faqe për pushkën dhe, vetëm ai ishte ngritur në gjunjë për ta parë komandantin e vet duke folur, pyeti, si pa rend, duke ia prerë fjalën edhe Mulla Idrisit: “Sa është Shqipëria komandant…?”
– “Biri im, iu drejtua Mulla Idrisi tashmë me një butësi jo të komandantit të vrashë, por të prindit, Shqipëri është krejt vendi ku uji i thuhet ujë, e ku bukës i thuhet bukë. Ky vend dikur ka qenë shumë i madh, por tash, siç shkroi gazeta ‘KOSOVA’, ka vetëm 74000 km². Të mos luftosh për ta bashkuar këtë tokë është tradhti. Të bëhesh kurban i lirisë së kësaj toke, është pavdekshmëri dhe Lavdi e Perëndisë, sepse vetëm Shehidi për atdhe e fe nuk përgjigjet për gabimet dhe fajet në këtë botë. Ai shkon i pastër te Zoti, sepse është i larë me gjakun e vet…”

Një luftëtar i moshuar, mbi të gjashtëdhjetat, ndërhyri me një pyetje me tendencë të caktuar:

“Kush jemi në rrugë të drejtë: Ne, Mbrojtja Kombëtare e Kufirit, apo vëllezërit tanë partizanë-komunistë, të cilët e morën Shqipërinë dhe hynë në Kosovë, me luftë të përbashkët me shkijet…?!”

Mulla Idrisi, me gjasë, nuk e kishte pritur një pyetje të tillë. Ndonëse bënte ftohtë vjeshte, i shpërthyen djersët, avull! Për një çast, heshti. Së pari nxori Kur’anin nga xhepi, e vuri mbi tokë dhe revolen ia vuri mbi, pa e lëshuar nga dora:

“Pasha këtë Kur’an të Allahut, Dheu i kësaj Shqipërie të mos më lëshojë brenda, na jemi në luftë të drejtë para Zotit, para popullit, para historisë dhe para Vatanit…”

Rishkrimi i historisë është domosdoshmëri, për të larguar nderimin për të gjithë emrat e figurave shqiptare-komuniste (nga shkollat, rrugët dhe lapidarët), që i sollën Kosovës dhe Shqipërisë dy regjime të cilat edhe u’a tjetërsuan besimin në Zot edhe ua zëvendësuan dashurinë ndaj atdheut në dashuri ndaj vëllazërim-bashkimit (socialist, sllavocentrik).

Nga profili Asdren Bytyqi, FaceBook. /Trungu & InforCulture

admin admin