<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Isa Boletini arrestoi zyrtarët rusë në Mitrovicë shkruante “Daily Telegraph” me 1902

Isa Boletini me njëqind ushtarë të armatosur, kishte marrë informacion nga Stambolli për ardhjen e rusëve dhe ai i kishte pritur për të hyrë në Mitrovicë, ku menjëherë i kishte burgosur. Shqiptarët i kishin konfiskuar të gjitha gjerat dhe, pas mbajtjes së tyre tri ditë, ata i shoqëruan deri në Shkup…

Studiuesi Flamur Maxharri ka publikuar një artikull të botuar në vitin 1902 nga gazeta e njohur angleze “Daily Telegraph”, me titull: “Rusia dhe Shqipëria”, ku tregon për arrestimin e zyrtarëve të “Carit” në Mitrovicë nga Isa Boletini.

“Informacioni i mëposhtëm ka arritur te qeveria e Serbisë nga Stambolli: M. Teherbalcheff, i Ngarkuari me Punë në Stamboll, kishte dërguar disa zyrtarë rusë me orendi dhe mallra shtëpiake për përgatitjen e hapjes së Konsullatës Ruse në Mitrovicë. Isa Boletini me njëqind ushtarë të armatosur, kishte marrë informacion nga Stambolli për ardhjen e rusëve dhe ai i kishte pritur këta të fundit për të hyrë në Mitrovicë, ku menjëherë i kishte burgosur.

Shqiptarët i kishin konfiskuar të gjitha gjerat e rusëve dhe, pas mbajtjes së tyre tri ditë, ata i shoqëruan deri në Shkup. Konsulli rus në Shkup kishte dorëzuar një notë proteste dhe kishte kërkuar që Isa Boletini të arrestohet menjëherë dhe të dëbohet nga Mitrovica. Shqiptarët janë deklaruar se nuk do të lejojnë hapjen e Konsullatës ruse në Mitrovicë”, shkruan në këtë artikull.

Një vit më vonë në Mitrovicë është vrarë konsulli rus.

Rusia ishte aleat historik i Serbisë. Ky shtet nuk e njeh akoma pavarësinë e Kosovës. Madje edhe Sergei Lavrov, ministri i Jashtëm i Rusisë, reagoi për ndalimin e hyrjes në Kosovë të trenit me mbishkrimin “Kosova është Serbi” duke thënë se policia e Kosovës, që nuk e lejoi hyrjen e këtij treni, nuk ka të drejtë të shkojë në veri të vendit.

admin admin