Det pa breg?!

Nëse mendonin se dinit gjithçka për ujin dhe planetin, gaboheni. Të gjithë dimë që detet dhe oqeanet kanë brigje, epo mesa duket nuk qenka kështu, pasi në rajonin e Oqeanit Atlantik ekziston një det që çuditërisht nuk ka breg.

Bëhet fjalë për detin Sargasso, i cili karakterizohet për kufijtë e tij unikë. Në vend të tokës, me rërë, gurë apo shkëmbinj, kufijtë e tij përcaktohen nga rryma oqeanike. Kështu që nëse ju duket interesante mendoni anën tjetër që rrjedhimisht këtu nuk mund të bëni plazh.

Deti është i mbuluar me alga në ngjyrë kafe dhe të verdha të cilat kanë aromë të keqe. Megjithatë ai konsiderohet si një strehë biodiversiteti që luan një rol vendimtar në ekosistemin më të gjerë të Atlantikut të Veriut.

Është gjithashtu çelësi për mbështetjen e ciklit jetësor të një numri speciesh të kërcënuara dhe të rrezikuara, duke përfshirë peshkaqenin Porbeagle dhe disa lloje breshkash.

Trekëndëshi i njohur si një zonë ku avionët dhe anijet zhduken papritmas, pa asnjë arsye, ndodhet në zonën jugperëndimore të Sargasso midis Bermudës, Floridës dhe Porto Rikos.

Deti ekziston falë katër rrymave: Rryma e Atlantikut të Veriut në veri; Rryma Kanarie në lindje; Rryma Ekuatoriale e Atlantikut të Veriut në jug dhe Rryma e Antileve në perëndim.

Megjithëse i veçantë dhe i bukur, ky det është dhe fasoneri mbeturinash, pasi rrymat e oqeaneve grumbullojnë në të mbetjet plastike. Shkencëtarët dhe gjeologët gjithashtu kanë vërejtur që si pasojë e ngrohjes globale, temperatura, aciditeti dhe kripa në ujërat e këtij deti është në nivele të larta. Ata gjithashtu kanë vërë re se deti Porbeagle kërcënohet nga peshkimi pa kriter./tvklan.al