Categories: HISTORI/ARKEOLOGJI

Heroinat shqiptare me fund tragjik

Nga Aurenc Bebja

Gazeta franceze, ‘Le Petit Parisien’, ka botuar, me 6 tetor 1885, në faqen n°2, një shkrim që trajton rolin e grave në luftë dhe mban titullin ‘Les femmes soldats – Gratë ushtare’.

 

 

Francezja rrëfen se gratë suliote kanë frymëzuar edhe ato të Rumelisë për të luftuar kundër turqve.

Ajo vë në dukje trimërinë e sulioteve dhe nuk harron të theksojë origjinën e tyre shqiptare.

Në vijim, rrëfimi i plotë i gazetës, sjellë në shqip nga Aurenc Bebja – Blogu ‘Dars (Klos), Mat – Albania’: “…Me padyshim se gratë e Rumelisë janë kujtuar për rolin e lavdishëm që kanë luajtur gratë e vendeve fqinje më pak se para njëqind viteve. Këto gra ishin Suliotet.

Suliotët ishin shqiptarë që u tërhoqën në male bashkë me bagëtitë e tyre dhe formuan një Republikë të vogël. Numri i tyre ishte rreth shtatë mijë.

Në 1789 dhe 1790, ata u ngritën kundër turqve, të cilët dëshironin t’i nënshtronin sërish. Gratë Suliote ndoqën burrat në luftë ; ato u sillnin atyre ushqim, municione, dhe, nëse ishte e nevojshme, luftonin me ta. Njëra nga ato, Moscho Tsavellas (Mosko Xhavella), gruaja e njërit prej udhëheqësve kryesorë (e ka fjalën për Lambros Tsavellas – Llambro Xhavellën), çau me sopatë tri arka plot me fishekë, mbushi përparësen e saj, mori pushkën dhe u vërsul përballë turqve*, e mbështetur nga një batalion i shoqeve të saj.

Të inkurajuar nga vrulli i tyre, katërqind Suliotë nxituan bashkë me to mbi armikun, i cili u tërhoq, duke lënë më shumë se tre mijë të vdekur në fushë.

Në 1800, Turqit dëshiruan të merrnin hak. Për fat të keq, kësaj here pati tradhtarë midis suliotëve, dy tipa të mjerueshëm shitën vendin e tyre, dhe, nëpërmjet tyre, turqit kapërcyen pengesat. Lufta zgjati me ditë të tëra. Gratë, të cilat rezistonin, u masakruan masivisht, dhe ato që mundën të largoheshin, njëqind e gjashtëdhjetë, u ngjitën në majat e shkëmbinjve, prej të cilëve u hodhën në humnerë me fëmijët e tyre.”.

admin admin

Recent Posts

Çahet toka në kodrat e Porto-Romanos, banorët ngrenë dyshime

Durrësi është prekur edhe nga një fenomen tjetër natyror, përveç përmbytjeve. Në kodrat e Porto-Romanos…

8 hours ago

Vepra e Barletit, burim kryesor për jetën e Skënderbeut!

Nga: Feride Papleka Humanist i shquar dhe historian, Marin Barleti është i pari autor i…

9 hours ago

Hoxhë Kadri Prishtina (1878 -1925), atdhetar, klerik, politikan dhe diplomat shqiptar

Kadri Prishtina (1878 -1925) ka qenë njëri ndër personalitet më të  shquara të kombit, të …

9 hours ago

Si e mbrojtën Kosovën 40 mijë burra

Pushtimi serb i Kosovës në vjeshtën e ftohtë të vitit 1912 bëri jehonë në shtypin…

9 hours ago

Realiteti i nizamëve shqiptarë në Tripoli

Kënga «Përtej Urës së Qabesë» duket të ketë qenë një realitet tejet i shpeshtë për…

9 hours ago

Si edukoheshin gratë në kalërim, gjueti e sidomos në artin e luftës

Në antikitet, vendi i edukimit të jetës së qytetarëve ishte palestra, një vend që nga…

1 day ago