<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KAFSHËT

Për të kapur majmunët, kjo mace zhvillon një taktikë të veçantë imitimi

Macja margay- një banore me aftësi të pazakonta e kurorave të pemëve

Për shkak të aftësive të jashtëzakonshme fizike, kjo mace është në gjendje të gjuajë kafshë siç janë majmunët.

Margay është një nga tetë llojet e maceve të egra të Amerikës së Jugut, e krahasueshme në madhësi me ocelotët.

Individët e rritur mund të peshojnë nga 2.5 deri në 4 kilogramë, ndërsa gjatësia e tyre kalon një metër. Megjithatë, është e vërtetë se më shumë se gjysma e gjatësisë së kësaj mace është bishti.

Një tjetër nga specifikat e tyre është se femrat kanë vetëm dy sisë, transmeton Telegrafi.

Këtë mace mund ta takoni në pyje të pashkelura që shtrihen nga Meksika deri në Paraguai, dhe një individ i kësaj kafshe mund të zotërojë një sipërfaqe deri në 16 kilometra katrorë.

Shkencëtarët besojnë se habitatet e tyre natyrore nuk kufizohen vetëm në rajonin e përmendur, por me shumë mundësi të gjenden në disa pyje të tjera të paarritshme, vetëm se nuk janë parë ende në to.

Si arsye kryesore për këto supozime, ata përmendin mënyrën e tyre të jetesës – ato pothuajse kurrë nuk zbresin në tokë. Macet u vendosën në majat e pemëve, dhe profesioni i tyre kryesor është kërcimi mbi degë gjatë natës. Në këtë, ato ndihmohen nga struktura e tyre specifike e trupit dhe aftësitë e jashtëzakonshme akrobatike, të cilat shumë i krahasojnë me ato që zotërojnë majmunët.

Me një kërcim, ky grabitqar mund të kapërcejë një distancë prej 4 metrash. Karakteristikat e tyre fizike të mahnitshme u jepen nga natyra dhe aftësia për të kthyer këmbët e pasme 180⁰, kjo është arsyeja pse ato mund të zbresin dhe të mbahen pas degëve me kokë poshtë. E gjithë kjo kontribuoi që të gjuanin kafshë, të cilat mishngrënësit më të mëdhenj nuk mund t’i kapin – majmunët, zogjtë, ketrat, hardhucat dhe bretkosat. Gjithashtu është regjistruar se imitojnë me mjeshtëri vokalizimet e tamarinave të reja braziliane gjatë gjuetisë, për të tërhequr më lehtë prindërit e tyre.

Gjatë pjesës më të madhe të vitit, Margay jeton vetëm. Kështu që gjatë sezonit të çiftëzimit – nga tetori deri në janar – ato formojnë një komunitet dhe më pas prindërit e ardhshëm mund të shihen duke gjuajtur së bashku. Megjithatë, sapo këlyshi lind, babai kthehet në territorin e tij. Ajo që është veçanërisht shqetësuese është fakti se femra lind vetëm një ose dy këlyshë dhe vetëm 2 deri në 3 herë në jetën e saj. Për t’i bërë gjërat edhe më keq, shkalla e mbijetesës është vetëm 50 përqind.

Ekspertët pohojnë se më herët kjo mund të kishte mjaftuar, por tani, kur habitatet e tyre natyrore shkatërrohen çdo ditë – e ardhmja e tyre nuk duket e ndritshme. Që nga viti 2008, margay është përfshirë në Listën e Kuqe të Specieve të Kërcënuara.

/Telegrafi/

admin admin