Dimri fsheh shumë kurthe dhe rreziqe, jo gjithmonë të lehta për t’u shmangur. Edhe pse këtë vit nuk ka pasur ngjarje ekstreme të motit që rrisin shanset për aksidente të rënda, prania e fortë e koronavirusit, gripit dhe infeksioneve të tjera respiratore e bën të domosdoshme marrjen e masave që i mbajnë larg.
Megjithatë, me rënien e temperaturës dhe me ndryshimin e motit, “zgjohen” edhe sëmundjet që mund t’i keni pasur të fshehta.
Çrregullime nga sfera mendore
Çrregullimi afektiv sezonal (SAD) është një lloj depresioni që zakonisht ndodh me ndryshimin e stinëve dhe i atribuohet më së shumti uljes së dritës së diellit dhe niveleve më të ulëta të neurotransmetuesve si serotonina dhe dopamina. Të moshuarit, në veçanti, mund të përjetojnë ankth nëse duhet të dalin jashtë në mot të keq, duke çuar kështu në një ndjenjë më të fortë izolimi. Shoqërimi, shëtitjet gjatë ditës ose vendosja e një karrigeje afër dritares për të lejuar dritën natyrale përfshihen në rutinën e rekomanduar të Dr. Cheng për të kompensuar efektet negative të dimrit.
Problemet e lëkurës
Ndryshimet e temperaturës – ftohtë jashtë, nxehtë në shtëpi – si dhe nivelet e lagështisë do të ndikojnë në lëkurë, veçanërisht në rastet e sëmundjeve kronike të lëkurës si psoriasis dhe dermatit atopik ku ekziston rreziku i shpërthimeve. Disa nga masat mbrojtëse përfshijnë hidratim adekuat, si të trupit me konsum të lëngjeve ashtu edhe të lëkurës me produkte të përshtatshme.
Sëmundjet e frymëmarrjes
“Në përgjithësi, ne e dimë se njerëzit reagojnë ndaj temperaturës në mënyra të ndryshme, ” thotë doktori, duke përmendur raste të njerëzve me astmë që ndjejnë se gjendja e tyre përkeqësohet me të ftohtin, ndërsa të tjerë gjejnë lehtësim në lagështinë e dimrit.
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…