Zbulohen letrat që Sulltanesha Hyrrem ia kishte shkruar Sulltan Sylejmanit

 

Janë zbuluar letrat e dashurisë të dërguara nga Sulltanesha Hyrrem për Sulltan Sulejmanin gjatë periudhës osmane, duke hedhur dritë mbi historinë më të famshme të dashurisë.

Sipas Anadolu Agency, letrat janë njerrë nga arkivat presidenciale, ndërsa arkivistët i kanë quajtur si një ndër shembujt më të mirë të poezisë dhe prozës turke të periudhës osmane, të shkruara në kohën kur Sulejmani gjendej në fushën e betejës.

 

“Jam e humbur në këtë univers të krijuar nga Zoti ynë. Kam jetuar vitet e mia më të mira nën mbrojtjen tënde, si një margaritar në kutinë tuaj të xhevahirëve. Unë gjej paqen vetëm pranë jush. Fjalët dhe boja janë të pamjaftueshme për të rrëfyer lumturinë dhe gëzimin tim kur unë gjendem afër jush. Kujtimet e ditëve që kaluam së bashku, momentet që i kemi ndarë, mbushin zemrën e shërbëtores sate. Ngushëllohem me këto kujtime në mungesën tuaj. Jam e ulët kur jeni larg. Askush nuk mund ta lehtësojë dhimbjen time”, – shkruante kështu sulltanesha Hyrem.

Në njërën nga letrat, sulltanesha i ka dërguar rrobat e saj të lagura me lot.

“Jeta ime, zotëriu im, sulltani im i dashur, lutja ime e vetme për Allahun është ta shoh sërish fytyrën tënde të ndritur. Nuk ka më ndarje prej tani. Dua nga Zoti im që sulltani im, njeriu im i dashur, gjithmonë të jetë i lumtur në botë dhe në amshim. Sulltani im…fshiu lotët e mi dhe më bëri të lumtur. Falë sulltanit tim, gjeta rrugën e duhur dhe fenë…Prandaj, mund të jem e lumtur pranë jush. Po ju dërgoj një nga rrobat e mia të lagura me lotët e mi…Ju lutem, visheni për mua. Nuk dua asgjë tjetër përveç lumturisë për ju në të dyja botët”,- ka përfunduar kështu letrën e saj sulltanesha.

Letrat e sulltaneshës Hyrrem.

Ndryshe, Sulltanesha Hyrrem ishte një nga femrat më influente në historinë osmane.

Djali i saj, Selimi trashëgoi fronin osman pas Sulltanit të Madhërishëm,  Sulejmanit.