Si të veproni kur e shihni dikë duke pësuar sulm në zemër

Simptomat e sulmit të zemrës përfshijnë dhimbje në gjoks, probleme me frymëmarrje, marramendje, etj. Por, si duhet të veproni nëse e shihni dikë duke pësuar sulm në zemër?

Reklama

Kjo ka të bëjë kryesisht me thirrjen e emergjencës mjekësore dhe atë se çfarë bëni derisa e pritni autoambulancën.

Sipas udhëzimeve, sulmi i zemrës është emergjencë serioze mjekësore i cili kërkon trajtim të menjëhershëm.

Ky fenomen, që ndryshe njihet si infarkti miokardit, shkaktohet nga një bllokadë e papritur në furnizimin e gjakut që shkon në zemër.

Pa pasur mjaftueshëm gjak, zemra mund të dëmtohet seriozisht ose pacienti edhe mund të vdes, transmeton Telegrafi.

Duke i pasur parasysh simptomat e sulmit të zemrës, nëse e shihni një person me gjendje të tillë, gjëja e parë që duhet të bëni është ta telefononi autoambulancën.

Derisa pritni për autoambulancën, ju duhet të provoni ta relaksoni pacientin sa më shpejt që është e mundur.

Nëse keni afër aspirinë dhe pacienti nuk është alergjik ndaj aspirinës, menjëherë jepjani ta përtypë dhe gëlltitë atë (300mg) derisa prisni për autoambulancën.

Kjo pasi që aspirina ndihmon në hollimin e gjakut dhe e rikthen furnizimin e gjakut në zemër.

Në disa raste, zemra e pacientit mund të ndalojë së rrahuri fare. Nëse është rast i tillë, ju duhet të performoni shtypje në gjoks.