<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KËSHILLA

Çfarë ndodh nëse ushqimi ju hyn në mushkëri?

Indi i quajtur epiglotis parandalon futjen e ushqimit në mushkëri duke mbuluar trakenë ose grykën tuaj ndërsa gëlltiteni.

Herë pas here ndodh që ju aksidentalisht të çoni ushqim në trake gjatë kohës që jeni duke ngrënë.

Por nëse jeni të shëndetshëm dhe keni një sistem të fortë imunitar, mund të mos keni ndonjë ndërlikim nga një incident i izoluar.

Futja e ushqimit në mushkëri mund të shkaktojë komplikime serioze për shëndetin.

Shkaqet

Vështirësitë në gëlltitje, një refleks i dëmtuar i gojës ose përdorimi i tepërt i alkoolit mund të rrisë këtë rrezik.

Gjithashtu sëmundja e refluksit gastroezofageal mund të luajë rol.

Kjo gjendje mund të çojë në një ngushtim të ezofagut ose tubit të ushqimit dhe t’ju bëjnë më të prirë për të kaluar në mushkëri ushqim ose lëngje.

Nëse pas ngrënies keni gulçim, kollë, frymëmarrje të rënduar ose dhimbje gjoksi, ushqimi mund të ketë kaluar në rrugët e frymëmarrjes.

Bllokimi mund të bëjë që lëkura juaj të marrë një ngjyrë të errët për shkak të mungesës së oksigjenit.

Komplikimet e mundshme

Ushqimi ose lëngjet që kalon në rrugët tuaja të frymëmarrjes mund të shkaktojnë një përgjigje inflamatore ndërkohë që mushkëritë reagojnë ndaj substancës së huaj.

Nëse ndodh një infeksion, ju mund të zhvilloni pneumoni bakteriale. Dhe në rast se keni astmë ose emfizemë rreziku i zhvillimit të pneumonisë mund të rritet.

Njerëzit që pinë duhan, të moshuarit dhe njerëzit me sistem imunitar të dobësuar janë më të ndjeshëm ndaj pneumonisë.

Parandalimi

Për të shmangur thithjen e ushqimit në mushkëri, hani me kafshata të vogla, përtypni mirë ushqimin dhe shmangni të folurit ose të qeshurit gjatë të ngrënit.

Nëse keni vështirësi të vazhdueshme në gëlltitjen e ushqimeve të ngurta, mjeku mund të rekomandojë një ndryshim në mënyrën e të ushqyerit.

Kjo bëhet për të ruajtur marrjen e lëndëve ushqyese duke minimizuar rrezikun e kalimit të ushqimit në mushkëri.

Një zhurmë si gurgullimë gjatë kohës që jeni duke ngrënë, një dhimbje gjatë gëlltitjes ose ndjesia se diçka ju ka ngecur në fyt, mund të tregojnë se ushqimi po kalon nëpër rrugët e frymëmarrjes.

Nëse keni simptoma të tilla konsultohuni me mjekun tuaj për ndryshimet në regjimin tuaj ushqimor të cilat mund të zvogëlojnë rrezikun e pneumonisë ose komplikimeve të tjera.

InForCulture