Mafiat më të fuqishme dhe vendet e tyre (Video)

Mafia italiane filloi qe në shekullin e 19-të. Siçilia u rrënua vazhdimisht nga grabitësit e huaj që e kishin pushtuar dhe kishin marrë në dorë qytetet e tyre. Nga nevoja për mbrojtje vendasit e Siçilisë krijuan grupe ku u lidhën së bashku për të mbrojtur veten nga trajtimet çnjerëzore dhe ngacmimet e bëra nga grabitësit. Këto grupe mbrojtëse u kthyen të dhunshme dhe filluan aventurën e tyre në krim duke detyruar pronarët e tokave për të paguar para për mbrojtje. Më 17 mars 1861, u shpall bashkimi i Italisë dhe disa fuqi sunduese u përpoqën të vendosnin autoritetin e tyre në të gjitha provincat përfshirë Siçilinë. Kjo doli të ishte e vështirë pasi paligjshmëria dhe kaosi kishin krijuar një shtëpi në Siçili. Në vitet 1870 autoritetet romake u përpoqën të vendosnin situatën nën kontroll, por përfunduan duke forcuar grupet mafioze teksa arriten marrëveshje me ta për të rivendosur rendin dhe ligjin në qytet. Mafias iu tha të gjuante kriminelët e pavarur dhe në këmbim, ata u lejuan të vazhdonin zhvatjen e vazhdueshme të pronarëve të tokave.