<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

Afro 8.000 vjeçare, këto mendohet të jenë relievet më të vjetra në botë

Një seri me skulptura të gdhendura në shkëmb që tregojnë kafshë (deve) në Arabinë Saudite, mendohet të jenë skulpturat më të vjetra e njëkohësisht më të mëdha në botë.

Kështu thotë një studim i fundit i kryer mbi këto relieve të zbuluara fillimisht në vitin 2018. Në atë kohë studiuesit menduan se relievi ishte afro 2,000 vjeçar, por një studim i ri i çon ato shumë më tutje në kohë, mes 7 mijë deri 8 mijë vite më përpara.

Me fjalë të tjera, këto skulptura madhështore, janë gdhendur mijëra vite përpara se në tokë të kishte ndërtime madhështore si Piramida e Gizës (Egjipt, 4500 vjeçare).

Studiuesit erdhën në këto data, pas analizimit të sitit ku u zbuluan skulpturat. Në zonën arkeologjike atje u gjetën shenja të mjeteve të përdorura për të gdhendur e madje edhe disa kocka kafshësh, të cilat shërbyen për të vendosur një datë më të saktë të krijimit të këtij relievi magjepsës. Zbulimet e studimit u publikuan në Gazetën e Shkencës Arkeologjike. E nëse gdhendja e këtij relievi është 7-8 mijë vjeçare, kjo është një kohë që sipas shkencëtarëve parakalon kohën kur njerëzit e lashtë arritën të zbusin e përdorin devetë për transport.

7-8 mijë vite më parë edhe zona atje ka qenë krejt e ndryshme. Nuk ka qenë një zonë e shkretëtirës së sotme, por përkundrazi. 7-8 mijë vite më parë zona ka qenë e mbuluar nga bimësia dhe përshkruhej nga lumenjtë.

Për studiuesit mbetet ende e paqartë se përse janë kryer këto skulptura. Këta të fundit sugjerojnë se vendi mund të ketë qenë një pikëtakim për tributë nomade (7-8 mijë vite më parë njerëzit ishin nomadë dhe jetonin kryesisht përmes gjahut të kafshëve).

Skulpturat vijojnë gjithsesi të “mbajnë të fshehur” shumë mistere. Studiuesit ende e kanë të paqartë sesi janë gdhendur relievet, në një kohë kur ato qëndrojnë mjaft lart nga toka, çka nënkupton se do të duhej ndërtuar një ‘skelë’ për të kryer të gjithë punimin.

postbck postbck