<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Rënia e Despotatit arbëror të Artës

Si sot, më 4 tetor të vitit 1416, shënohet pikërënia e Despotatit të Artës, një shtet mesjetar arbëror i krijuar nga fisnikët Pjetër Losha dhe Gjin Bua Shpata në prill të vitit 1359 gjatë fushatës së tyre për të marrë nën zotrim Epirin.

Pinjolli i fundit nga 4 sundimtarët e dinastisë Shpata të Despotatit të Artës ishte Jakup Bua Shpata, i njohur dhe si sundimtari i parë musliman arbëror në mesjetë (Dinastia Shpata sundoi Despotatin e Artës nga viti 1374 e deri më 1416).

Jakub Bua Shpata trashëgoi fronin e Despotatit nga vëllau i tij, Muriqi, në vitin 1414/1415. Gjatë sundimit të tij të shkurtër (1414/15-1 tetor 1416), ai ishte në luftra të shpesha kundër rivalit të tij, Karlo Toko, një sundimtar italian që synonte pushtimin e Despotatit të Artës dhe Epirit.

Më 1 tetor të vitit 1416, Karlo Toko organizoi një pritë kundër Jakub Bua Shpatës duke e zënë atë në befasi. Pas betejës që u zhvillua, Karlo Toko arriti ta kapte despotin arbër Shpata të gjallë dhe menjëherë urdhëroi ekzekutimin e tij.

Pas vdekjes së Jakub Bua Shpatës në moshën 47 vjeçare, fisnikët e Artës morrën kontrollin e qytetit nga nëna e Shpatës dhe ofruan t’ia dorëzonin atë Karlos nëse respektoheshin të drejtat dhe privilegjet e tyre ekzistuese. Karlo pranoi dhe hyri në Artë më 4 tetor 1416, me ç’rast mori fund dhe Despotati arbëror i Artës.

📸 Në foton e parë, vizatim i Jakub Bua Shpatës, ndërsa në foton e dytë, kufijtë e Despotatit të Artës gjatë vitit 1390

InForCulture