<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Pal Engjëlli për Skënderbeun dhe arbërit

Pal Engjëlli (1417-1470) ishte një klerik katolik arbëror i shekullit 15-të që shërbeu si Arqipeshkv i Durrësit. Pal Engjëlli ishte gjithashtu një bashkëpunëtor i ngushtë dhe shumë besnik i Skënderbeut.

Në librin e Marin Barletit, “Historia e Skënderbeut”, shkruar në Romë mes viteve 1508-1510, Barleti përshkruan Pal Engjëllin me këto fjalë:

“Ky kryepeshkop qe epirot, nga qyteti i Drishtit, bir i Andrea Engjëllit për të cilin folëm më lart, burrë i pajisur me mendje shumë të lartë e me zotësi të rrallë në të folur, me dituri si askush dhe i vaditur në letërsinë e shenjtë dhe në letërsinë humane…burrë që Skënderbeu e mbajti mbi krye për maturinë e tij, kulturën e pastërtinë e jetës, burrë që e rrespektonin dhe e dëgjonin si ndonjë orakull të gjithë epirotët dhe arbërit…”

Në një nga fjalimet e Pal Engjëllit para luftëtarëve shqiptar më 1461, sipas Barletit, ai kishte thënë:

“Fatbardha dhe fort të lumtura janë ato republika, mbretëri dhe shtete, që qeverisen nga njerëzit më të mirë dhe më të ditur…Në kohën e sotme ne e shohim qartë si drita se këtë fat e kanë pasur Arbërit tanë, të cilët qeverisen nga Skënderbeu, i vetmi princ aq i ditur, aq i mirë dhe kapedan i pathyeshëm…”

Përmbajtja e disa letrave na lejon të kuptojmë se Pal Engjëlli ka takuar dhe humanistin e njohur Françesk Filelfon (1398-1481) i cili në letrat e tij shkruan:

“Skënderbeu është shpirtmadh dhe i stërvitur nga turqit që në moshë të re…Pas tij janë shumë kalorës dhe këmbësorë shqiptar nga më trimat…Midis gjithë popujve tjerë ndërmjet Danubit e Adriatikut dhe kufijve të Italisë, arbërit qenë të vetmit që u bënë ballë turqve me trimëri të madhe…”

📸 Në foto mund të shikoni një portret të Pal Engjëllit nga dorëshkimet e shekullit 15-të, i cili gjendet në librin mesjetar “Statutet e Drishtit”.

InForCulture