“Zbardhja” që turpëron Francën sot e kësaj dite

Është histori goxha interesante dhe më siguri nuk e njihni. Bëhet fjalë për “Blanchiment des troupes coloniales”, ose “zbardhja” e ushtrisë franceze vetëm pak muaj përpara përfundimit të Luftës së Dytë Botërore. Ushtarët me ngjyrë që shihni në foto, nuk janë afro-amerikanë, por senegalezë të regjistruar në ushtrinë franceze gjatë Luftës së Dytë Botërore. Edhe pse mbajnë në kokë helmeta amerikane, stemat i përkasin forcave koloniale franceze.

Gjatë Luftës së Dytë Botërore, Franca kishte rekrutuar 200.000 afrikanë. Rreth 25.000 prej tyre u vranë në betejë. Një pjesë e mirë u internua në kampet e përqendrimit gjerman dhe mijëra të tjerë do i mbijetonin luftës me pasoja.

Por fakti më interesant në gjithë këtë histori, është se vetëm pak muaj përpara mbarimit të luftës kur fitorja ishte shumë afër, trupat senegaleze që luftonin në Evropë, do të zëvendësoheshin me ushtarë të bardhë me urdhër të drejtpërdrejtë të Charles de Gaulle, një proces i njohur si “blanchiment” (zbardhja). Mijëra tirailleurs sénégalais, pas disa muaj luftimesh dhe vuajtjesh, u privuan nga nderi për të hyrë në qytetet kryesore franceze gjatë çlirimit të Francës. Në librat e historisë franceze, kjo nuk do ishte mirë që fëmijët të shihnin që zezaket kishin marrë pjesë në çlirimin e Francës.