Cila ishte beteja më e shkurtër në histori?

Konflikti më i shkurtër ndonjëherë zgjati më pak se 40 minuta (38 për të qenë të saktë) dhe u zhvillua në 1896 në Oqeanin Indian, në ujërat e ishullit Zanzibar, midis Perandorisë Britanike dhe një sulltani vendas.

Përplasja ishte pjesë e rivalitetit midis dy perandorive koloniale, britanike dhe gjermane, për kontrollin e Afrikës Lindore. Kjo u përkeqësua nga kundërshtimi i fisnikërisë së Zanzibarit për heqjen e tregtisë së skllevërve, të mbështetur nga britanikët.

Shkëndija shpërtheu kur me vdekjen e sulltanit pro-britanik Ḥamad bin Thuwayni më 25 gusht 1896, pro-gjermani Khalid bin Barghash u bë sulltan i Zanzibarit (protektorat anglez që nga viti 1890).

Lexo edhe : Trajneri i Torinos largon 6 lojtarë nga skuadra, dyshohet se filmuan zënkën me Vagnat-in

Pas një sërë ultimatumesh, më 27 gusht, Marina Mbretërore vendosi 5 anije dhe filloi të bombardonte ishullin, duke fundosur anijen e vetme të sulltanit. Më pas marinsat mbretërorë pushtuan Pallatin Mbretëror dhe sulltani u dorëzua duke u strehuar në atë që tani është Tanzania, atëherë një koloni gjermane.