Ishulli misterioz që po i huton shkencëtarët

Misteri rrethon “ishullin fantazmë” në Paqësorin Jugor, i cili shfaqet në harta të shumta, duke filluar nga Google Maps, por kur shkencëtarët shkuan të hetonin se çfarë kishte atje, ata u hutuan sepse nuk gjetën asgjë.

Brezi i çuditshëm, i njohur si Ishulli Sandy, ka qenë një enigmë për shumë vite pasi është përfshirë në shumë harta, përfshirë Google, për të paktën një dekadë, raporton themirror.

Lexo Edhe:

I pozicionuar midis Australisë dhe Kaledonisë së Re, një pikë e errët u shfaq në Google Earth, një pamje ndryshe nga ishujt e afërt, e cila do të tregonte detaje rreth kontinentit – kështu enigma vazhdoi.

Pavarësisht se toka u regjistrua në harta, shkencëtarët u drejtuan në atë zonë, duke mos gjetur gjë tjetër veç valëve të detit – që ishte larg pritshmërive.

Më 26 nëntor të vitit 2012, Google hoqi të ashtuquajturin Sandy Island nga shërbimi i saj, Google Maps, por njerëzit kujtojnë se kishin vënë re diçka nga një pamje satelitore.

Përdoruesit e Google Earth u habitën me kalimin e viteve kur panë “ishullin fantazmë”, i cili daton nga koha kur eksploruesi britanik, kapiteni James Cook vendosi në hartë, “Sandy I”.

Përsëri, ai u vu re më shumë se 100 vjet më vonë, në vitin 1895, kur ishulli besohej të ishte 230 km i gjatë dhe 50 km i gjerë.

Misteri u zbulua në fakt më 22 nëntor të vitit 2012 – vetëm katër ditë para se të hiqej nga Google Maps – kur shkencëtarët australianë në R/V Southern Surveyor “zbuluan” misterin, duke mos gjetur asgjë tjetër përveç detit, raporton dailyexpress, transmeton Telegrafi.

Shkencëtarët u drejtuan në zonë dhe vunë re se thellësitë e oqeanit janë më shumë se 1300 metra, gjë që sugjeron se nuk ka asnjë mundësi që diçka të fshihet nën ujë që do të ishte e dukshme më shpejt.

Maria Seton, nga Universiteti i Sydneyt, i tha AFP-së, “ne dëshironim ta kontrollonim këtë sepse grafikët e lundrimit në bord treguan një thellësi uji prej 1400 metrash në zonë – shumë e thellë. Është në Google Earth dhe harta të tjera, kështu që shkuam për të kontrolluar dhe nuk kishte asnjë ishull. Ne jemi vërtet të hutuar, është shumë e çuditshme”.