6.1 C
Pristina
Tuesday, May 17, 2022
Home SOCIALE “Nëse nuk ka kufoma, nuk ka as krim”, ja si tentoi Serbia...

“Nëse nuk ka kufoma, nuk ka as krim”, ja si tentoi Serbia t’i fshehë krimet që u bënë në Kosovë

Nëse nuk ka kufoma, nuk ka as krim. Ky është dorëshkrimi i Obrad Stevanoviq, ish – zëvendësministër i Punëve të Brendshme të Serbisë në vitin 1999.E këtë moto, Stevanoviq e kishte shkruar në ditarin e tij, gjatë një takimi me kabinetin e ish – presidentit famëkeq serb, Sllobodan Millosheviq.Për synim kishin, fshehjen e të gjitha krimeve që shteti serb, i bëri në luftën e fundit në Kosovë.

Por, ishte fillimi i prillit të vitit 99, kur një peshkatar në fshatin serb Tekijas, pa se mbi sipërfaqen e lumit Danub, kishte dalë një kamion – frigorifer.Fillimisht u mendua se ishte një aksident.Por, më vonë u zbulua, siç shihet edhe në këto fotografi, se brenda këtij kamioni, ndodheshin trupat e mbi 80 shqiptarëve të vrarë nga forcat serbe në Kosovë, e që ishin transportuar në shtetin serb.

E ky transportim i trupave të shqiptarëve të vrarë mizorisht, sipas Bekim Blakajt nga Fondi për të Drejtën Humanitare, është bërë me vetëm një qëllim.Sipas Blakajt, ky aksion i Beogradit zyrtar, u zhvillua në disa faza, ku u bë bartja e trupave të shqiptarëve nga e gjithë Kosova, për në Serbi.Ndërkohë, rast i ngjashëm, por në perëndim të Serbisë kishte ndodhur në liqenin Përuqac.Edhe këtu, në sipërfaqe të ujit, doli një kamion, më trupat e mbi 80 shqiptarëve të vrarë.E cila ishte mosha e të vrarëve, e ka treguar vet Boshko Radojkoviq në Tribunalin e Hagës, i cili në vitin 1999, ishte pjesë e Departamentit të Policisë Kriminalistike në Sërbi.Boshko Radojkoviq, Departamenti i Policisë Kriminalistike të MPB-së, Klladovë, 1999

Kufomat kanë qenë të dy gjinive, me strukture të ndryshme moshe, unë e di me siguri se kanë qenë dy fëmijë. Një djalë aty pesë – gjashtë vjeçar, dhe një vajzë, ashtu 8-9 vjecare.Por, edhe gjetjen e këtyre trupave, serbët u munduan ta fshihnin, duke i dërguar në qendrën stërvitore policore në Batajnicë.Këtu, 744 trupa të shqiptarëve, u zbuluan dy vjet më vonë brenda një varri masiv.Ndërkohë, mjeku i njohur nga mjekësia ligjore, që mori pjesë në identifikimin e këtyre kufomave, Arsim Gërxhaliu, për T7 ka treguar detaje për gjendjen në të cilën ndodheshin këta trupa.“Ne kur i kemi terhekur trupat, kanë qenë në fazën e skeletimit, pra nuk kanë pasur pjesë të buta. Kur nuk e kemi pjesën e butë të trupit, është e vështirë të gjendet shkaku i vdekjes. Por, një 70% janë të vrarë nga predhat.” Ka thwnw Arsim Gërxhaliu, Instituti i Mjekësisë Ligjore.E gjatë procesit të zhvarrimit me eskavator dhe bartjes që serbët ia bënë trupave nga Kosova për në Serbi, ata dëmtuan shumë prej tyre.Ndërkohë, edhe 75 trupa të tjerë të shqiptarëve të vrarë në Kosovë, u gjetën në qendrën policore në Pëtrovo Selo dhe 54 të tjerë në Rashkë të Serbisë.Për të gjitha këto, përveç 6 serbeve të dënuar nga Tribunali i Hagës, në gjykatat serbe, nuk dënuan as edhe një person.“Gjykatat vendore në Sërbi, as dhomat speciale, nuk e ka akuzuar askënd për këtë krim, pra për fshehjen e kufomave.” tha Bekim Blakaj, Fondi për të Drejtën Humanitare.E për ata shqiptarë, që ende nuk dihet se ku ndodhen, anëtarja e Komisionit për të pagjetur në Kuvendin e Kosovës, Saranda Bogujevci, thotë që shteti i Kosovës nuk po e merr seriozisht këtë çështje.“Përderisa përbenda nuk ka seriozitet, nuk mund ta drejtojmë gishtin tek Bashkësia Ndërkombëtare“, tha Saranda Bogujevci, Anëtare e Komisionit për të Pagjetur.Sipas Bogujevcit, sa ka seriozitet në trajtimin e kësaj çështje, tregon edhe mos ardhja për raportim në këtë komision, e kryeministrit Avdullah Hoti dhe ministres së Punëve të Jashtme, Meliza Haradinajt – Stublla.

LEAVE A REPLY

Please enter your comment!
Please enter your name here

Most Popular

Sa do të kushtonte ndërtimi i piramidës ditët e sotme

Piramidat egjiptiane janë një trashëgimi e rëndësishme arkitekturore historike e vendit, duke tërhequr turistë dhe eksplorues nga e gjithë bota. Ekspertët vendosën...

Mos ia mësyni për pushime këtij vendi nëse e pini cigaren, iu ndalohet

Pushuesit e plazheve të Barcelonës nuk do të përballen më me mbetje cigaresh apo edhe me pirjen pasive të saj, pasi qyteti...

Goditja në tru – Pacientët më të rinj mund të kenë rrezik të dyfishtë të kancerit, thotë hulumtim i ri

Çdo goditje është një tragjedi e mundshme në zhvillim dhe çdo vit mjekët po zhvillojnë trajtime më efikase për goditjet në tru.

‘Porta e Alienëve’ foto e publikuar nga NASA që çmendi rrjetet sociale

Eksplorimi i planetit Mars nga njerëzimi, ka qenë gjithmonë në qendër të vëmëndjes për vite me radhë. Por një...

Recent Comments