Muzeu nënujor që turistët e vizitojnë me kostum zhytjeje

Ekziston një muze i veçantë përgjatë bregut të Ayia Napa në Qipro dhe turistët që duan ta vizitojnë duhet të veshin një kostum zhytjeje dhe të marrin me vete shishe oksigjeni.

Muzeu i Skulpturave Nënujore në Ayia Napa (MUSAN) u krijua si një ide nga skulptori, ekologu dhe fotografi Jason deCaires Taylor.

Ai e ndërtoi atë me qëllimin për të ndihmuar në rimëkëmbjen e ekosistemit detar, për të ndihmuar biodiversitetin të lulëzojë në zonë.

Veprat e tij të artit janë bërë nga një kombinim i çelikut me cilësi të lartë dhe betonit, në mënyrë që të jenë të përshtatshme për botën detare.

Skulpturat vendosen në një thellësi prej 8 deri në 10 metra dhe kanë një strukturë të krijuar posaçërisht në sipërfaqe që lejon koralet, sfungjerët dhe organizmat e tjerë të ngjiten dhe të rriten.

Në këtë mënyrë, artisti dëshiroi të tërheqë vëmendjen ndaj sistemit detar gjithnjë e më të rrezikuar dhe të ndihmojë në rritjen e nivelit të vetëdijes te turistët.

Video: